ہم مسلسل ترقی کی راہ پر آگے بڑھتے رہیں،دنیا کی کتنی بڑی طاقت کیوں نہ ہو،وہ بھارت کا سر نہیں جھکا سکتی: راجناتھ سنگھ
سی این آئی
سرینگر // این ڈی اے زبردست مینڈیٹ کے ساتھ اقتدار میں واپسی کیلئے تیار ہے کیونکہ یہ جذبہ نہ صرف ہندوستان میں بلکہ پوری دنیا میں گونجتا ہے کی بات کرتے ہوئے وزیر دفاع راجناتھ سنگھ نے مسلسل ترقی کی کوششوں کا حوالہ دیتے ہوئے سال2027 تک ہندوستان کے ٹاپ تین عالمی طاقتوں میں سے ایک تک پہنچنے کی پیشگوئی کی۔ راجناتھ سنگھ نے کہا کہ ہم مسلسل ترقی کی راہ پر آگے بڑھتے رہیں۔ یہ ہماری کوشش ہے اور واضح کیا کہ دنیا کی کتنی بڑی طاقت کیوں نہ ہو،وہ بھارت کا سر نہیں جھکا سکتی ہے ۔سی این آئی کے مطابق آسام کے بارپیٹا ضلع میں پارٹی ممبران سے بات کرتے ہوئے وزیر دفاع راجناتھ سنگھ نے وزیر اعظم نریندر مودی کی قیادت میں این ڈی اے کے اتحاد کی تعریف کی اور اسے ایک مشترکہ مقصد کیلئے جدوجہد کرنے والے ایک مضبوط خاندان سے تشبیہ دی۔ انہوں نے مودی کی ثابت قدم قیادت کی تصدیق کرتے ہوئے آئندہ انتخابات میں 400 سے زائد نشستیں حاصل کرنے کا یقین ظاہر کیا۔وزیر دفاع نے اس بات پر زور دیا کہ این ڈی اے کی سیاسی سرگرمیاں ہندوستان کے بڑھے ہوئے عالمی قد اور مودی کی تبدیلی کی قیادت کو اجاگر کرنے والے ذاتی فائدے کے بجائے صرف اور صرف ملک کی فلاح و بہبود سے چلتی ہیں۔ وزیر اعظم مودی کی متحرک ذمہ داری کے تحت راجناتھ سنگھ نے مسلسل ترقی کی کوششوں کا حوالہ دیتے ہوئے2027 تک ہندوستان کے ٹاپ تین عالمی طاقتوں میں سے ایک تک پہنچنے کی پیش گوئی کی۔سنگھ نے ایک خوشحال ہندوستان کا تصور کیا جو 2047 تک ایک سرکردہ عالمی طاقت بننے کیلئے تیار ہے۔ وزیر دفاع نے کہا’’دنیا کی کتنی بڑی طاقت کیوں نہ ہو، وہ بھارت کا سر نہیں جھکا سکتی‘‘۔انہوں نے کہا کہ ہندوستان اور چین کے درمیان تنازع کے دوران میں نے اپنی فوج کی بہادری دیکھی۔ ہندوستانی فوج کی طاقت کو دیکھ کر میرا یقین پختہ ہوگیا کہ دنیا کی کتنی ہی بڑی طاقت کیوں نہ ہو، وہ ہندوستان کا سر کبھی نہیں جھکا سکتی۔ راجناتھ سنگھ نے مزید کہا’’اگر ہمارے سرحدی محافظ فوجی ہندوستان کو محفوظ رکھنے کا کام کریں تو؟ تو اس کے اتحاد، سالمیت اور بھائی چارے کو برقرار رکھنا ہماری ذمہ داری ہے۔ ملک میں ہمیشہ امن و امان قائم رہے۔ باہمی محبت اور ہم آہنگی ہو۔ ہم مسلسل ترقی کی راہ پر آگے بڑھتے رہیں۔ یہ ہماری کوشش ہے۔
