17 شعبوں سے تعلق رکھنے والے 368 کھلاڑیوں کو خصوصی نقد انعامات سے نوازا گیا
لازوال ڈیسک
جموں؍؍ لیفٹیننٹ گورنر منوج سِنہانے آج سال 2021-22 ء اور 2022-23 ء کے قومی اور بین الاقوامی مقابلوں میں تمغے جیتنے والوں کومُبارک باد دی۔لیفٹیننٹ گورنر نے تمام کھلاڑیوں اور کوچوں کو اُن کی شاندار کارکردگی پرمُبارک باد دی۔17 شعبوں سے تعلق رکھنے والے کُل 368 کھلاڑیوں کو ڈی بی ٹی موڈ کے ذریعے ان کے بینک کھاتوں میں براہ راست 1.35 کروڑ روپے کے خصوصی نقد انعامات حاصل کئے ہیں۔ اَقصیٰ گلزار کو 12 لاکھ روپے اور سوہن کموترا کو بالترتیب پینکاک سیلاٹ اور شطرنج کے کھیلوں میں 8 لاکھ روپے نقد انعام سے نوازا گیا۔ اِس موقعہ پر لیفٹیننٹ گورنر نے جموں کے پریڈ گراؤنڈ میں 4.83 کروڑ روپے کی لاگت سے ایک جدید ترین سنتھیٹک فٹ بال ٹرف کا اِفتتاح کیا۔ اُنہوں نے 4.85 کروڑ روپے کی لاگت سے بندھو رک میں سنتھیٹک فیلڈ کا سنگ بنیاد بھی رکھا۔
اُنہوں نے کہا کہ وزیر اعظم نریندر مودی جی کی قیادت میں ہم نے کھیلوں کے جدید بنیادی ڈھانچے کی تعمیر کی ہے، کھلاڑیوں کو عالمی معیار کی تربیت اور رہنمائی فراہم کی ہے اور دیگر تمام مدد فراہم کی ہے تاکہ یہ یقینی بنایا جاسکے کہ جموں و کشمیر کے کھلاڑی قومی اور بین الاقوامی کھیلوں کے مقابلوں میںبہترین کارکردگی کا مظاہرہ کرنے کے قابل ہوں۔لیفٹیننٹ گورنر نے کھیلوں کے بڑے مقابلوں میں شاندارکامیابی حاصل کرنے پر پیرا ٹیموں اور خواتین کھلاڑیوں کو مُبار ک باد دی۔اُنہوں نے کہا کہ ایشین پیرا گیمز، نیشنل گیمز، نیشنل سکول گیمز میں جموں و کشمیر کے ایتھلیٹس اور کھلاڑیوں کی حالیہ کامیابیوں نے کئی اور بین الاقوامی مقابلوں میں کارکردگی میں اضافے کی اُمید کو روشن کیا ہے۔ لیفٹیننٹ گورنر نے کہا کہ ہمارے سپورٹس آئیکنز جموں کشمیر کے نوجوانوں کے لئے حقیقی ترغیب ہیں اور حکومت کی جانب سے کھیلوں کو دیہاتوں، دُور دراز اور سرحدی علاقوں تک لے جانے کی کوششوں نے ٹیلنٹ اور مواقع کے درمیان دہائیوں پرانی خلیج کو ختم کیا ہے۔اُنہوں نے کہا کہ کھیلوں کا مناسب بنیادی ڈھانچہ، نئی سپورٹس پالیسی، کوچوں کے معیار کو بہتر بنانا، پنچایت سطح پر نوجوانوں کی شمولیت کی مہم، ایل جی رولنگ ٹرافی اور دیگر اَقدامات سے ایک مضبوط سپورٹس کلچر پیدا ہوگا جس میں تمام طبقے شامل ہوں گے اور کھلاڑیوں کے لئے پُرکشش کیریئر ٹریک کو محفوظ بنائیں گے ۔لیفٹیننٹ گورنر نے کہا کہ گزشتہ چند برسوںمیں مجموعی طور پر 702 کھیلوں کے منصوبے مکمل کئے گئے ہیں۔ جموں یونیورسٹی اور کشمیر یونیورسٹی میں دو ایتھلیٹک ٹریک، پلوامہ، سری نگر، جموں، پونچھ، نگروٹہ میں پانچ سنتھیٹک ہاکی کے میدان اور دو سنتھیٹک فٹ بال میدان بنائے گئے ہیں۔ اُنہوں نے کہا کہ جموں ، پونچھ ، سوپور ، سری نگر ، شوپیاں ، بارہمولہ ، گاندربل ، جگتی نگروٹہ اور راجوری میں مزید ایتھلیٹک ٹریک ، سنتھیٹک ہاکی اورسنتھیٹک فٹ بال کے میدان بنائے جارہے ہیں۔اُنہوں نے جموں کشمیر میں کھیلوں کی سرگرمیوں کو فروغ دینے کے لئے محکمہ کھیل، سپورٹس کونسل اور ایسوسی ایشنوں کی کوششوں کی ستائش کی۔لیفٹیننٹ گورنر نے ملک اورجموںوکشمیر یوٹی کا نام روشن کرنے والے کھلاڑیوں کی فلاح و بہبود کے لئے جموں و کشمیر اِنتظامیہ کے عزم کو بھی اُجاگر کیا۔ اُنہوں نے مزید کہا کہ ہم کھلاڑیوں کی بھرتی کے عمل کو جلد از جلد مکمل کرنے کے لئے پُرعزم ہیں۔اُنہوں نے کھلاڑیوں کے ساتھ بات چیت کی اور اُبھرتے ہوئے کھلاڑیوں کو کھیل کٹس اور سامان حوالے کیا۔اِس موقعہ پرلیفٹیننٹ گورنر کے مشیر راجیو رائے بھٹناگر، سیکرٹری محکمہ اَمورِ نوجوان و کھیل کود سرمد حفیظ، سیکرٹری جموںوکشمیر سپورٹس کونسل نزہت گل، سینئر اَفسران، کھیلوں کی نامور شخصیات اور نوجوان بڑی تعدادمیں موجود تھے۔
