یواین آئی
نئی دہلی؍؍ ایمپلائز اسٹیٹ انشورنس کارپوریشن (ای ایس آئی سی) نے اڈیشہ، کرناٹک، اتر پردیش، مدھیہ پردیش اور اڈیشہ میں 1128.21 کروڑ روپے کی تخمینہ لاگت سے سات نئے اسپتالوں کی تعمیر کو منظوری دی ہے۔
مرکزی وزارت محنت اور روزگار نے بدھ کو یہاں بتایا کہ ملازمین کی ریاستی بیمہ کارپوریشن کی اسٹینڈنگ کمیٹی کی 231ویں میٹنگ کل دیر شام یہاں لیبر اینڈ ایمپلائمنٹ سکریٹری سمیتا دورا کی صدارت میں منعقد ہوئی۔ اس میٹنگ میں بیمہ شدہ کارکنوں اور ان کے خاندان کے افراد کو طبی دیکھ بھال اور نقد فوائد کی دستیابی کو بڑھانے کے مقصد سے کئی اہم فیصلے کیے گئے۔
میٹنگ کے دوران 1128.21 کروڑ روپے کی کل تخمینہ لاگت سے کرناٹک کے ہروہلی، نرسا پورہ اور بوماسندرا، اتر پردیش میں میرٹھ اور بریلی، مدھیہ پردیش میں پتھم پور اور اوڈیشہ کے ڈبوری میں سات نئے ای ایس آئی اسپتالوں کی تعمیر کی منظوری دی گئی۔ ان ہسپتالوں کی تعمیر جلد شروع ہو جائے گی۔ ان اسپتالوں کی تعمیر سے ای ایس آئی سی کی موجودہ طبی دیکھ بھال کی گنجائش میں 800 بستروں کا اضافہ ہوگا۔ اس کے علاوہ راجستھان کے الور میں ایک ذیلی علاقائی دفتر قائم کرنے کا فیصلہ کیا گیا۔
الور میں ای ایس آئی سی کے ذیلی علاقائی دفتر سے تقریباً 12 لاکھ بیمہ شدہ کارکنوں اور الور، کھیرتھل-تیجارہ، کوٹ پٹلی-بہرور، بھرت پور اور دیگر اضلاع میں رہنے والے ای ایس آئی اسکیم کے مستفید ہونے والوں کو فائدہ پہنچے گا۔ ای ایس آئی اسکیم کے تحت آنے والے اضلاع کی تعداد 666 تک پہنچ گئی ہے اور بیمہ شدہ کارکنوں کی تعداد 3.43 کروڑ تک پہنچ گئی ہے۔
