تعزیتی مجلس میں کرناہ کے نامور سکالرز، ادیبوں، دانشوروں اور صحافیوں نے شرکت کی
زبیر احمد
کرناہ؍؍پہاڑی کلچرل کلب کرناہ میں مشہور ادبی شخصیت مصنف اسکالر محقق، اور سابق ڈائریکٹر پی آئی بی انفارمیشن ڈاکٹر غلام رسول آزاد بڈھانہ کی وفات پر انہیں خراج عقیدت پیش کرنے کی عرض سے ایک تعزیتی مجلس کا انعقاد کیا گیا۔اس تعزیتی مجلس میں کرناہ کے نامور سکالرز، ادیبوں، دانشوروں اور صحافیوں نے شرکت کی۔اس تقریب کی صدارت غلام نبی بڈھانہ نے کی جبکہ کرناہ کی ممتاز شخصیات ایڈوکیٹ محبوب الٰہی, عبدالرشید لون، عبدالرشید قریشی، میر حیدر ندیم، ولی احمد قریشی افتخار قریشی اور ڈاکٹر اعزاز لون بھی موجود تھے۔
غلام رسول آزاد کی زندگی اور خدمات پر روشنی ڈالی گئی اور مقررین نے ان کی علمی کاوشوں پر انہیں زبردست خراج تحسین پیش کیا جنہوں نے گوجری اور اردو زبانوں میں بہت زیادہ تعاون کیا ہے۔مقررین نے مرحوم آزاد بڈھانہ کی بطور صحافی اسسٹنٹ ایڈیٹر روزنامہ آفتاب اور چٹان اور محکمہ اطلاعات کے افسر اور ڈائریکٹر کی حیثیت سے خدمات پر بھی روشنی ڈالی اس مجلس کی نظامت کے فرائض افتخار قریشی نے نے انجام دئیے۔قابل ذکر ہے کہ غلام رسول آزاد بڈھانہ 1954 میں ہچمرگ چوکیبل کپواڑہ میں پیدا ہوئے۔گورنمنٹ ڈگری کالج سوپور سے گریجویشن مکمل کیا اور کشمیر یونیورسٹی سے ایم اے، ایم فل اور پی ایچ ڈی کی کی ڈگری حاصل کی روزنامہ آفتاب اور چٹان میں اسسٹنٹ ایڈیٹر کے طور پر کام کیا۔ اپنے پورے ادبی سفر میں انہوں نے مختلف اخبارات میں کالم اور مضامین لکھے۔
بعد ازاںڈگری کالج سوپور میں لیکچرر کے طور پر کام کیا اور نوکری چھوڑ کر محکمہ اطلاعات میں بطور ڈسٹرکٹ انفارمیشن آفیسر تعینات ہوئے اور ڈپٹی ڈائریکٹر انفارمیشن کی حیثیت سے سبکدوش ہوئے وہ گوجری اور اردو کے افسانہ نگار بھی تھے۔گوجری ڈکشنری کے لیے بھی انہوں نے کام کیا اور گوجری ادبی تنظیم (ادبی سنگت کشمیر) قائم کی اور اس کے صدر بھی رہے۔گوجری زبان، اردو ادب اور صحافت کے فروغ میں ان کی گراں قدر خدمات دنیا میں ہمیشہ گونجتی رہیں گی۔
