صفائی اور حفظان صحت کے معیارات کو برقرار رکھنے پر دیا زور
لازوال ڈیسک
ادھمپور// ڈپٹی کمشنر ادھمپور، سلونی رائے نے آج یہاں منی کانفرنس ہال ڈی سی آفس میں لائن ڈپارٹمنٹ کے افسران کی ایک میٹنگ کی صدارت کی جس میں گورنمنٹ میڈیکل کالج اور اسوسی ایٹڈ ہاسپٹل کمپلیکس ادھم پور کے کام کاج کا جائزہ لیا۔
وہیں اس موقع پر ایڈیشنل ضلع ترقیاتی کمشنر گھن شام سنگھ، چیف پلاننگ آفیسر مدثر یعقوب زرگر، پرنسپل جی ایم سی، سی ایم او، ڈاکٹر انیل منہاس، اجلاس میں مختلف محکموں کے ایگزیکٹو انجینئرز اور دیگر افسران نے شرکت کی۔
وہیںنئے میڈیکل کالج اور اس کے مرکزی کیمپس کی تعمیر، عارضی عمارتوں، ڈسٹرکٹ ہسپتال میں تدریسی سہولیات کو اپ گریڈ کرنے کے ساتھ ساتھ اے ایچ ادھمپور میں جراحی کے طریقہ کار اور لیبارٹری ٹیسٹوں میں پیشرفت سمیت جاری منصوبوں کی پیش رفت پر تفصیلی بات چیت ہوئی۔نئے کھولے گئے نشے کے علاج کے مرکز کے کام اور جی ایم سی اور ایسوسی ایٹڈ ہسپتال میں عملے کی پوزیشن کے ساتھ ساتھ کلاس رومز، لیبز اور لائبریری ریڈنگ روم جیسی سہولیات کا بھی جائزہ لیا گیا۔
وہیںڈی سی نے ہر منصوبے کی فزیکل پیش رفت کو تیز کرنے کی اہمیت پر زور دیا، عملدرآمد کرنے والی ایجنسیوں پر زور دیا کہ وہ ڈیڈ لائن کو پورا کرنے کے لیے دستیاب وسائل کو مؤثر طریقے سے استعمال کریں۔ صحت کی دیکھ بھال کی موثر فراہمی کو یقینی بنانے کے لیے صفائی اور حفظان صحت کے معیارات کو برقرار رکھنے پر بھی زور دیا گیا۔
