کہاشڑیا گھر میںسہولیات کو اپ گریڈ کرنے کے لیے مختلف سرگرمیاںاورکام جاری ہیں
لازوال ڈیسک
جموں؍؍ایڈیشنل ڈائریکٹر جمبو چڑیا گھر انیل عتری نے جمبو چڑیا گھر کا چارج سنبھالنے کے بعد جمبو چڑیا گھر کا تفصیلی معائنہ کیا۔ انہوں نے جمبو چڑیا گھر میں آنے والے جانوروں کے لیے نئے انکلورز کی تعمیر سمیت مرمت اور اپ گریڈیشن کے جاری کاموں کا بھی دورہ کیا۔ انہوں نے جمبو چڑیا گھر کے مختلف قیدی جانوروں کی صحت اور ان کی خوراک کی فراہمی کا بھی جائزہ لیا۔ وہیںدورے کے دوران انہوں نے لوگوںسے بھی بات چیت کی تاکہ چڑیا گھر کے انتظام کے بارے میں ان کی رائے حاصل کی جا سکے۔اس سلسلے میںمیڈیا سے بات کرتے ہوئے انہوں نے کہا کہ جموں و کشمیر حکومت کی خواہش کے مطابق محکمہ جنگلی حیات تحفظ جمبو چڑیا گھر کو ایک پسندیدہ سیاحتی مقام بنانے کی ہر ممکن کوشش کر رہا ہے۔انہوں نے مزیدکہاکہ لوگوںکے لیے سہولیات کو اپ گریڈ کرنے کے لیے مختلف سرگرمیاںاورکام جاری ہیں جن میں چڑیا گھر میں مزید جانوروں کا اضافہ بھی شامل ہے تاکہ چڑیا گھر کا دورہ کرنے والوں کی تعداد میں اضافہ ہو سکے۔
