نئی دہلی، // وزیر اعظم نریندر مودی کی زیر صدارت آج منعقدہ مرکزی کابینہ میٹنگ میں یکم مئی 2009 سے 17 نومبر 2015 کی مدت کے لیے فرٹیلائزر (یوریا) یونٹس کو گھریلو گیس کی فراہمی پر مارکیٹنگ مارجن کے تعین کے لیے منظوری دیدی گئی ہے۔یہ منظوری ایک ساختی اصلاحات ہے۔
مارکیٹنگ مارجن گیس کی مارکیٹنگ سے وابستہ اضافی رسک اور لاگت کو برداشت کرنے کے لیے گیس کی مارکیٹنگ کمپنی صارفین سے گیس کی قیمت سے زیادہ وصول کرتی ہے۔ حکومت نے پہلے 2015 میں یوریا اور ایل پی جی پروڈیوسروں کو گھریلو گیس کی فراہمی پر مارکیٹنگ مارجن کا تعین کیا تھا۔
یہ منظوری مختلف فرٹیلائزر (یوریا) یونٹس کو 01.05.2009 سے 17.11.2015 کی مدت کے دوران خریدی گئی گھریلو گیس پر ان کی طرف سے ادا کیے گئے مارکیٹنگ مارجن کے اجزاء کے لیے اضافی سرمایہ فراہم کرے گی، جو 18.11.2015 کے بعد سے پہلے سے ادا کیے جانے والے نرخوں کی بنیاد پر ہو گی۔
آتم نربھر بھارت کے حکومت کے ویژن کے مطابق یہ منظوری صنعت کاروں کو سرمایہ کاری بڑھانے کی ترغیب دے گی۔ بڑھتی ہوئی سرمایہ کاری کھادوں میں خود کفالت کا باعث بنے گی اور گیس کے بنیادی ڈھانچے کے شعبے میں مستقبل کی سرمایہ کاری کے لیے یقین کا عنصر فراہم کرے گی۔
