ریشم کی پیداوار کے مختلف پہلوؤں کی نمائش کی گئی، تربیتی پروگراموں اور مرکزی حکومت کی اسکیموں کی اہمیت پر زور دیا
لازوال ڈیسک
جموں؍؍ پونچھ کیمپس کے ڈائریکٹر پروفیسر راکیش وید نے ’ریشم کی صنعت کی ترقی کے لیے اسکیمیں‘ کے عنوان سے ایک روزہ تکنیکی اپ گریڈیشن پروگرام میں اہم کردار ادا کیا۔ اس تقریب کا اہتمام سلک ٹیکنیکل سروس سنٹر، سی ایس ٹی آر آئی، سنٹرل سلک بورڈ، میراں صاحب جموں نے، جموں و کشمیر سیریکلچر ڈیولپمنٹ ڈیپارٹمنٹ کے اشتراک سے کیا، جس کا مقصد کوکون پروڈیوسروں، ریلرز اور بنکروں کو فائدہ پہنچانا تھا۔وہیںتکنیکی اپ گریڈیشن پروگرام میں مہمانوں کی ایک ممتاز قطار دیکھی گئی، جس میں مہمان خصوصی ڈاکٹر وکاس گپتا، ڈائرکٹر آف ہینڈی کرافٹ اینڈ ہینڈلوم، جموں ڈویژن، ڈاکٹر راکیش وید، ڈائرکٹر یونیورسٹی آف جموں، اور مہمان اعزازی اشونی کمار شرما، ایڈیشنل ڈائریکٹرسیریکلچر ڈیولپمنٹ ڈپارٹمنٹ موجود تھے۔وہیںپونچھ کیمپس کے ڈائریکٹر ڈاکٹر راکیش وید نے طلباء اور صنعت سے مستفید ہونے والوں کے لیے جانچ کی خدمات، تربیتی پروگراموں اور مرکزی حکومت کی اسکیموں کی اہمیت پر زور دیا۔ انہوں نے سلک ٹیکنیکل سروس سنٹر، سنٹرل سلک بورڈ جموں کے اقدامات کی تعریف کی اور ریشم کے کسانوں، کاروباریوں اور کاریگروں کی ترقی میں ان کی کوششوں کو اجاگر کیا۔اس موقع پراین ایس گہلوت، سائنسدان-ڈی/زونل آفیسر ایس ٹی ایس سی،سی ایس ٹی آر آئی سنٹرل سلک بورڈ جموں نے پروگرام کے دوران قیمتی بصیرتیں پیش کیں۔ انہوں نے سلک سماگرا سکیم-II کے تحت سلک کوکون کے معیار اور دھاگے میں ہونے والی پیش رفت کا خاکہ پیش کیا جس میں ہینڈلوم بنانے والوں اور کاریگروں کے ساتھ تعاون کے ذریعے متنوع مصنوعات تیار کرنے پر توجہ دی گئی۔اس تقریب میں ریشم کی پیداوار کے مختلف پہلوؤں کی نمائش کی گئی۔وہیںشرکاء کی حوصلہ افزائی کی گئی کہ وہ مشینری کے لیے دستیاب سبسڈی کو تلاش کریں، مارکیٹ کی طلب کے مطابق ویلیو ایڈڈ متنوع مصنوعات بنانے کے مواقع پر زور دیں۔اپنے خطاب میں ڈاکٹر وکاس گپتا نے گزشتہ دو سالوں میں دستکاری اور ہینڈلوم میں فراہم کی گئی وسیع تربیت پر روشنی ڈالی۔ انہوں نے ہینڈلوم کی ترقی میں سلک ٹیکنیکل سروس سینٹر کے سائنسدانوں اور ان کی تکنیکی ٹیموں کے درمیان تعاون کی تعریف کی۔اس دوران مہمان خصوصی اشونی کمار شرما نے لوگوں پر زور دیا کہ وہ ایچ اے ڈی پی اور سلک سماگرا II کے تحت اسکیموں کا فائدہ اٹھائیں۔ انہوں نے سنٹرل سلک بورڈ کے تعاون سے ضلعی سطح پر ہنر مندی کے فروغ کے پروگراموں کی ضرورت پر زور دیا۔
