عوامی مسائل انتظامیہ کی نوٹس میں لانے پر صحافی منظور پکھرپوری کو ایوارڈ سے نوازا گیا
لازوال ڈیسک
بڈگام //چرار شریف میں 75ویں یومِ جمہوریہ کی سب سے بڑی تقریب تحصیل ہیڈ کوراٹر ڈاک بنگلو چرارشریف میں منعقد ہوئی اس دوران سپرانٹنڈنٹ انجینئر آراینڈ بی ڈویژ ن بڈگام شری غلام رسول نیترنگا لہرایا اور مارچ پاسٹ پر سلامی لی اس موقع پر تحصیلدار چرارشریف نثار احمد اعوان بھی موجود رہے جبکہ محکمہ مال کے اہکاروں پولیس NCC کیڈرس اسکولی بچوں کے علاوہ تحصیل چرارشریف سے وابستہ عام شہریوں کی ایک بڑی تعداد نے شرکت کی اس دوران انتظامیہ نے سماج کے تیئن مختلف شعبوں میں نمایاں خدمات انجام دینے والے اشخاص میں اسناد اور مومنٹو تقسیم کئیں صحافت کے میدان میں کشمیر نیوز سروس کے نامہ نگار منظور پکھرپوری کو ایوارڈ سے نوازا گیا اورانہیں تحصیل کے دور دراز علاقوں کے مسائیل اجاگر اور انتظامیہ تک پہنچانے کیلئے انتظامیہ نے انہیں سراہا۔
