تھانہ پولیس گاندربل میںمعاملہ درج،مزید تحقیقات جاری
مختار احمد
گاندربل؍؍پولیس اسٹیشن گاندربل نے ایک منشیات فروش کو گرفتار کرکے اْس کے قبضے سے منشیات بھی ضبط کی ہے اطلاعات کے مطابق بدھ کو پولیس سٹیشن گاندربل کو معتبر ذرائع سے اطلاع ملی کہ ایک شخص سجاد احمد صوفی ولد غلام حسن صوفی ساکنہ سالورہ گاندربل اپنے نجی ٹرک زیر رجسٹریشن نمبر JK03H-8638 میں ممنوعہ نشیلی مواد سمگلر کر رہا ہے۔اطلاع ملنے کے بعدایس ایس پی گاندربل نکھل بورکر کی ہدایت پر ڈی ایس پی ہیڈ کواٹر غلام حسن کی نگرانی میں ایک خصوصی پولیس ٹیم تشکیل دی گئی، جس کی قیادت ایس ایچ اْو گاندربل نے نئے بس اسٹینڈ بیہامہ کے قریب مذکورہ ٹرک کو روکا اور ٹرک کی تلاشی لی جس دوران ایگزیکٹیو مجسٹریٹ فرسٹ کلاس کی موجودگی میں کوڈین فاسفیٹ کی 16 بوتلیں برآمد اور ضبط کی گئیں۔ ملزم کو گرفتار کر کے سمگلینگ میں استعمال ہونے والے ٹرک بھی موقع پر قبضے میں لے لی گئی۔اس سلسلے میں، ایف آئی آر نمبر 14/2024، قانون کی متعلقہ دفعات کے تحت پولیس اسٹیشن گاندربل میں درج کیا گیا ہے اور مزید تفتیش شروع کی گئی ہے۔
