یواین آئی
جالندھر؍؍پنجاب کے جالندھر میں بارڈر سیکورٹی فورس (بی ایس ایف) کے جوانوں نے جمعرات اور جمعہ کی درمیانی رات کو سرحد پار سے دہشت گردی پھیلانے والوں کے مذموم عزائم کو ناکام بناتے ہوئے فیروز پور میں پاکستانی ڈرون سے گرائے گئے ہتھیار اور گولہ بارود برآمد کیا ہے۔
بی ایس ایف کے ترجمان نے بتایا کہ ضلع فیروز پور کے سرحدی علاقے میں 18-19 جنوری 2024 کی درمیانی شب ڈرون کی سرگرمی کے بارے میں بیداری کے بعد بی ایس ایف کے دستوں نے جامع تلاشی آپریشن چلایا، جس کے نتیجے میں اسلحہ اور گولہ بارود برآمد ہوا۔
شام کے وقت بی ایس ایف کے جوانوں کی تلاشی مہم کے دوران ایک کھیت سے ایک بڑا پیکٹ جو سفید ریت کے تھیلے میں احتیاط سے لپیٹا گیا تھا،برآمد ہوا۔ پیکٹ کو احتیاط سے کھولنے پر اس کے اندر سے ایک اے کے 47 اسالٹ رائفل، دو میگزین، چالیس کارتوس اور چالیس ہزار روپے کی ہندوستانی کرنسی برآمد ہوئی۔
