اجودھیا مصالحتی کمیٹی کی مہلت 15اگست تک بڑھا دی گئی
لازوال ڈیسک
نئی دہلی سپریم کورٹ نے اجودھیا میں متنازعہ عبادت گاہ کی ملکیت کے معاملے کو دوستانہ ماحول میں حل کرنے کے لئے مصالحتی کمیٹی کو آج مزید تین ماہ کی مہلت دیدی۔مصالحتی کمیٹی کے سربراہ جسٹس ایف ایم آئی خلیفتہ اللہ نے معاملے کا خوشگوار اور دیر پا حل تلاش کرنے کے لئے مزید وقت مانگا تھا۔چیف جسٹس رنجن گوگوئی اور جسٹس ایس اے بوبڈے کی سربراہی میں ، ڈی وائی چندرچود، اشوک بھوشن اور ایس عبدالنذیر نے مصالحتی کمیٹی کی درخواست قبول کرتے ہوئے اس کی مہلت 15 اگست تک بڑھا دی۔عدالت عظمیٰ نے یہ بھی کہا کہ کمیٹی خوشگوار اور دیر پا حل کے رُخ پر جس طرح آگے بڑھ رہی ہے وہ اُس کے نزدیک اطمینان بخش ہے ۔روحانی گرو سری سری روی شنکر اور سینئر وکیل شری رام پنچو بھی کمیٹی کے رکن ہیں۔
