ترواننت پورم، کیرالہ کو کامرس اور صنعت کی مرکزی وزارت کی اسٹارٹ اپ رینکنگ آف اسٹیٹس 2022 میں ’بیسٹ پرفارمر‘ کے خطاب کے لیے منتخب کیا گیا ہے۔
تجارت کے مرکزی وزیر پیوش گوئل نے دہلی میں نیشنل اسٹارٹ اپ ڈے کے موقع پر رینکنگ کی مکمل فہرست کا خلاصہ کرتے ہوئے اس کا اعلان کیا۔ ’بیسٹ پرفارمر‘ اسٹارٹ اپ کی سب سے اونچی رینکنگ لیول ہے، اس کے بعد’ٹاپ پرفارمر‘ کا خطاب آتا ہے، جسے پچھلے تین برسوں میں اسٹارٹ اپس، طلباء اور خواتین کاروباریوں کو ادارہ جاتی مدد فراہم کرنے کے علاوہ ابھرتی ہوئی کمپنیوں کو بڑی مدد فراہم کرنے کے لئے کیرالہ نے حاصل کیا ہے۔ آئی جی این آئی ٹی ای جیسے پروگراموں کے ذریعے سرمایہ کاروں کے ساتھ بات چیت کرنے کا موقع بھی ملتا ہے۔
دیہی شعبے میں شاندار تبدیلی لانے میں شامل اسٹارٹ اپس کی حوصلہ افزائی کے لیے ریاست کی کوششوں نے بھی جنوبی ریاست کو ایوارڈ جیتنے کے قابل بنایا۔ اس کامیابی پر تبصرہ کرتے ہوئے، کیرالہ اسٹارٹ اپ مشن (کے ایس یو ایم) کے چیئرمین انوپ امبیکا نے کہا کہ ریاست نے جدید ٹکنالوجی اور پالیسی سپورٹ سے تعاون یافتہ ایک متحرک ایکو سسٹم اور انکیوبیشن سسٹم کو برقرار رکھیں رکھنے کی سمت میں اپنی عہد بند کوششوں کے بعد نتیجہ حاصل کیا ہے۔
انہوں نے کہا ’’ہم ریاست میں اسٹارٹ اپس کی حوصلہ افزائی کے لیے ایک جامع پالیسی نافذ کر رہے ہیں۔سال 2002 میں، کیرالہ نے ان تمام سات شعبوں میں سرفہرست مقام حاصل کیا جس پر مرکز نے اصلاحات کی اپیل کی تھی۔
چیئرمین نے کہا کہ آج کا نتیجہ ریاستی حکومت کے ثابت قدم رویہ کی عکاسی کرتا ہے جس نے اسٹارٹ اپ کی ترقی کی راہ کو رکاوٹوں سے پاک بنا دیا ہے۔ انہوں نے کہا کہ وسائل کی ترقی، سرمایہ کاری کی قیادت، حصولی قیادت، پائیدار ترقی، انکیوبیشن، مشاورتی خدمات، اختراعات اور بہترین اداروں کے شعبوں میں کیرالہ ملکی سطح پر سرفہرست ہے۔
