دہلی اور قومی راجدھانی خطہ میں پھر سے آلودگی کا قہر، گریپ-3 نافذ
یواین آئی
نئی دہلی؍؍ کمیشن فار ایئر کوالٹی مینجمنٹ (سی اے کیو ایم) نے اتوار کو دہلی اور نیشنل کیپیٹل ریجن (این سی آر) میں گریڈڈ ایکشن رسپانس پلان (جی آر اے پی) کو نافذ کیا کیونکہ ہوا کا معیار سنگین زمرے میں پہنچ گیا تھا۔ آج کا دن اس سال کا سب سے آلودہ دن درج ہوا۔اس فیصلے کے تحت تعمیرات اور انہدام کی سرگرمیوں پر پابندی لگا دی گئی ہے، ساتھ ہی دہلی، گروگرام، فرید آباد، غازی آباد اور گوتم بدھ نگر اضلاع میں بی ایس3 پٹرول اور بی ایس 3 ڈیزل ایل ایم وی (فور وہیلر) کے چلانے پر بھی پابندی عائد کر دی گئی ہے۔مرکزی آلودگی کنٹرول بورڈ کے مطابق دہلی کے آنند وہار میں ہوا کا معیار آج پی ایم 2.5 اور پی ایم 10 کی ارتکاز 500 کو پار کرنے کے ساتھ ‘شدید’ زمرے میں پہنچ گیا۔سی اے کیو ایم نے سوشل میڈیا پلیٹ فارم ایکس پر کہاکہ "جی آر اے پی کی گورننس کے لیے سے اے کیو ایم ذیلی کمیٹی نے کل شام سے دہلی-این سی ا?ر کی ہوا کے معیار میں اچانک خرابی کے پیش نظر آج صبح ایک ہنگامی میٹنگ بلائی ہے۔”میٹنگ میں کہا گیا کہ ذیلی کمیٹی پورے این سی آر میں نظرثانی شدہ جی آر پی کے تیسرے مرحلے کے مطابق آٹھ نکاتی ایکشن پلان کو فوری طور پر نافذ کرنے کا فیصلہ کرتی ہے۔اس فیصلے کے بعد دہلی اور گروگرام، فرید آباد، غازی آباد اور گوتم بدھ نگر اضلاع میں بی ایس۔تھری پٹرول اور بی ایس۔فور ڈیزل گاڑیوں (فور وہیلر) کے چلانے پر پابندی لگا دی گئی ہے۔
