سری نگر۔ بانہال ریل سروس مسلسل دوسرے روز بھی بند
یواین آئی
سرینگرجنوبی کشمیر کے ضلع شوپیاں میں گذشتہ روز فورسز کے ساتھ ایک تصادم آرائی کے دوران حزب المجاہدین سے وابستہ تین جنگجوو¿ں کی ہلاکت کے خلاف ضلع شوپیاں اور پلوامہ کے بعض حصوں میں ہفتے کے روز مسلسل دوسرے دن بھی ماتمی ہڑتال رہی۔ادھر اسلامک یونیورسٹی آف سائنس اینڈ ٹیکنالوجی اونتی پورہ نے ہفتہ کے روز ہونے والے تمام امتحانات کو ملتوی کیا ہے. یونیورسٹی کی طرف سے جاری ایک نوٹیفکیشن کے مطابق ہفتہ کے روز یونیورسٹی کھلی رہے گی تاہم اس روز ہونے والے تمام امتحانات ملتوی کئے گئے ہیں۔موصولہ اطلاعات کے مطابق شوپیاں ضلع کے تمام بازاروں میں ہفتے کے روز بھی ہو کا عالم چھایا رہا، دکان بند، تجارتی سرگیاں معطل اور اکثر تعلیمی ادارے اور ٹیویشن سینٹر بند رہے، سرکاری دفاتر اور بنکوں میں بھی کام کاج متاثر رہا جبکہ سڑکوں پر ٹرانسپورٹ کی نقل وحمل نہ ہونے کے برابر رہی۔ضلع پلوامہ کے بعض حصوں میں بھی ہڑتال کی وجہ سے معمولات زندگی مفلوج ہوکر رہ گئے. دکان بند رہے جبکہ سڑکوں پر ٹرانسپورٹ کی نقل وحمل متاثر رہی۔حکام نے دونوں اضلاع کے حساس علاقوں میں سیکورٹی فورسز کی اضافی نفری کو تعینات رکھا ہے تاکہ کسی بھی ناخوشگوار واقعہ کو وقوع پذیر ہونے سے روکا جاسکے۔تاہم جنوبی کشمیر کے دیگر حصوں بشمول اننت ناگ اور کولگام میں زندگی معمول کے مطابق جاری رہی۔بتادیں کہ اننت ناگ پارلیمانی حلقے کی پولنگ کے تیسرے اور ا?خری مرحلے کے لئے 6 مئی کو پلوامہ اور شوپیاں میں ووٹ ڈالنے ہیں۔جنوبی کشمیر کے ضلع شوپیاں میں گذشتہ روز فورسز اور جنگجوو¿ں کے ددرمیان ہوئی تصادم آرائی کے پیش نظر سری نگر۔ بانہال ریل سروس ہفتے کے روز مسلسل دوسرے دن بھی معطل رہی۔ایک سینئر ریلوے عہدیدار نے بتایا کہ انتظامیہ بشمول محکمہ پولیس کی طرف سے ایک ہدایت نامہ موصول ہوا ہے جس میں ہدایت دی گئی ہے کہ ہفتے کے روز بھی سری نگر۔ بانہال ریل سروس کو معطل ہی رکھا جائے۔انہوں نے تاہم کہا کہ شمالی کشمیر میں ریل سروس حسب معمول جاری رہے گی۔بتادیں کہ گذشتہ روز جنوبی کشمیر کے شوپیاں ضلع میں فورسز اور جنگجوو¿ں کے درمیان تصادم آرائی ہوئی جس میں تین جنگجو جان بحق ہوئے تھے، کے پیش نظر سری نگر۔ بانہال ریل سروس کو معطل رکھا گیا تھا۔
