وکست بھارت سفیراو نمو ایپ پر 100 دن کا چیلنج، بھاجپا ہیڈکوارٹر میں ریاستی ورکشاپ کا انعقاد
لازوال ڈیسک
جموں؍؍وکست بھارت سفیر، نمو ایپ پر 100 دن کا چیلنج، ریاستی ورکشاپ آج یہاں جموں کے تریکوٹہ نگر میں پارٹی ہیڈکوارٹر میں منعقد ہوئی۔وہیںورکشاپ میں اہم سیاسی شخصیات کی موجودگی دیکھی گئی، بشمول رویندر رینا، بی جے پی جموں و کشمیر کے صدر، اشوک کول، بی جے پی کے ریاستی جنرل سکریٹری ، ہرش چترویدی، جموں و کشمیر پربھاری، نمو ایپ کے لیے سنٹرل ٹیم سے وکست بھارت سفیر، ریاستی سوشل میڈیا پربھاری اور سابق وزیر پریا سیٹھی و دیگران موجود تھے ۔اس موقع پررویندر رینا نے آنے والے انتخابات میں آئی ٹی اور سوشل میڈیا کے اہم کردار پر زور دیا۔انہوں نے پارٹی کارکنان پر زور دیا کہ وہ مودی حکومت کی کامیابیوں کو پھیلانے کے لیے ٹیکنالوجی کا فائدہ اٹھائیں۔ انہوں نے وِکسِٹ بھارت ایمبیسیڈر پروگرام میں فعال شرکت کی اہمیت پر زور دیا، ہر ایک کاریاکارتا کو پی ایم مودی کی اپیل کے مطابق کم از کم 10 وکِسِٹ بھارت سفیر بنانے کی ترغیب دی۔اس موقع پر پارٹی کے دیگر سینئر لیڈران نے بھی اپنے خیالات کا اظہار کیا۔؎
