ارجن کو سچا دوست مانتی ہیں پرینیتی
یو این آئی
ممبئی، // بالی وڈ اداکارہ پرینیتی چوپڑا، ارجن کپور کو اپنا سچے دوست مانتی ہیں۔ پرینیتی چوپڑا، ارجن کپور کے ساتھ ‘عشق زادے ’ اور ‘ہیلو انگلینڈ’ میں کام کرچکی ہیں۔ دونوں ایک ساتھ ‘سندیپ اور پنکی فرار’ میں بھی نظر آئیں گے ۔ پرینیتی اور ارجن اچھے دوست بن گئے ھیں۔ پرینیتی نے کہا کہ بالی وڈ میں ایک سچا دوست تلاش کرنا مشکل ہے اور انہیں اس بات کی خوشی ہے کہ ارجن کپور کی صورت میں انہیں وہ سچا دوست مل گیا۔ ٹاک شو ‘فٹ اپ ود دی اسٹار سیزن ۔2’ کے ایک ایپی سوڈ میں پرینیتی نے ارجن کے ساتھ اپنے تعلقات کے بارے میں کھل کر بات کی۔ ارجن کے ساتھ ان کے تعلقات کے بارے میں پوچھے جانے پر پرینیتی نے کہاکہ “ہمارے درمیان دوستی اور نفرت کا رشتہ ہے ۔ بالی ووڈ میں ایک سچا دوست ملنا مشکل ہے اور ارجن میرے ایک سچے دوست ہیں”َ۔ ارجن کے ساتھ اپنی آف سکرین کیمسٹر¸ کے بارے میں پرینیتی نے کہاکہ “مجھے اپنی تصویر لینے کے لئے اپنا فون ان کو دینے میں کوئی دقت نہیں ہوتی، لیکن جب میں اپنی گیلری دیکھتی ہوں تو 50 سے زیادہ سیلفی ہوتی ہیں اور ساری کی ساری ارجن کی ہی رہتی ہیں”۔یو این آئی