کئی اہم مسائل اور موجودہ سیکورٹی صورتحال پر تفصیلی تبادلہ خیال کیا گیا
لازوال ڈیسک
ریاسی؍؍موجودہ سیکورٹی صورتحال کے پیش نظر اور ضلع ریاسی میں کام کرنے والی مختلف ایجنسیوں کے درمیان معلومات کا تبادلہ کرنے کے مقصد سے، آج امیت گپتا سینئر سپرنٹنڈنٹ آف پولیس ریاسی نے ضلع پولیس آفس ریاسی میں سبسڈری ملٹی ایجنسی سینٹر (ایس ایم اے سی ) میٹنگ کی جہاں پولیس افسران کے علاوہ آر آر، سی آئی ڈی،آئی آر پی کے نمائندگان نے بھی شرکت کی۔میٹنگ کے آغاز میں ایس ایس پی ریاسی نے تمام افسران کو خوش آمدید کہا اور میٹنگ کا ایجنڈا پیش کیا۔میٹنگ میں ضلع راجوری میں حالیہ دہشت گردانہ حملے اور اس کے ریاسی میں پھیلنے والے اثرات، امن و امان کی صورتحال، یوم جمہوریہ 2024 ، عسکریت پسندوں کی نقل و حرکت/موجودگی، موجودہ حرکیات اور موجودہ سیکورٹی صورتحال پر تفصیلی تبادلہ خیال کیا گیا۔وہیںضلع ریاسی کے لیے مذکورہ ایجنڈے کے نکات پر ایک دماغی سیشن بھی منعقد کیا گیا، جس میں تمام افسران نے اپنے حقائق اور معلومات پر مبنی نقطہ نظر پیش کیا۔سینئر سپرنٹنڈنٹ آف پولیس ریاسی نے ضلع میں تمام ملک دشمن اور سماج دشمن عناصر پر نگرانی کے لیے ضلع میں کام کرنے والی تمام ایجنسیوں کے درمیان کارروائی کے قابل معلومات کے بروقت اشتراک پر زور دیا۔وہیںمیٹنگ کا اختتام تمام ایجنسیوں کے درمیان بہتر تال میل اور تعاون کے نوٹ کے ساتھ ہوا۔
