کانگریس کی حکومت بننے پر ایک سال میں 24 لاکھ نوکریاں دی جائیں گی : راہل گاندھی
یواین آئی
جے پورکانگریس کے قومی صدر راہل گاندھی نے مودی حکومت پر ملک میں بے روزگاری بڑھانے کا الزام لگاتے ہوئے کہا ہے کہ کانگریس اقتدار میں آئی تو ایک سال میں 24 لاکھ نوجوانوں کو سرکاری نوکریاں دی جائیں گی۔مسٹر گاندھی نے آج جے پور ضلع کے چومو میں انتخابی ریلی سے خطاب کرتے ہوئے کہا کہ ملک میں مودی حکومت آنے کے بعد بے روزگاری میں جس قدر اضافہ ہوا ہے اتنا آزادی کے بعد اب تک نہیں تھا۔ وزیر اعظم نریندر مودی نے گزشتہ لوک سبھا انتخابات میں ایک سال میں دو کروڑ نوجوانوں کو روزگار دینے اور ہر خاندان کے اکا¶نٹ میں پندرہ لاکھ روپے جمع کرانے کا وعدہ کیا تھا، جو جھوٹا ثابت ہوا ہے ۔انہوں نے کہا کہ کانگریس نے اپنے منشور میں ایک سال میں 24لاکھ نوجوانوں کو سرکاری نوکریاں دینے کا وعدہ کیا ہے ۔ اس کے علاوہ گرام پنچایتوں میں دس لاکھ نوجوانوں کو روزگار دینے کا بھی ذکر کیا ہے ۔مسٹر گاندھی نے کہا کہ کانگریس کی ‘نیائے یوجنا ’سے ملک کے 20فیصد غریب پانچ کروڑ خاندانوں کے اکا¶نٹ میں ایک سال میں 72 ہزار اور پانچ سال میں تین لاکھ ساٹھ ہزار روپے جمع کرائے جائیں گے ۔ نیائے یوجنا سے نہ صرف غریب خاندانوں کو فائدہ ہو گا بلکہ اس سے چھوٹے دکانداروں، مڈل کلاس کو فائدہ ہو گا اور معیشت میں بھی مضبوطی آئے گی۔انہوں نے کہا کہ نیائے یوجنا کی رقم غریب خاندان کے اکا¶نٹ میں اس وقت تک جمع ہوتی رہے گی جب تک اس خاندان کی ماہانہ آمدنی 12 ہزار روپے سے زیادہ نہیں ہوتی۔مسٹر گاندھی نے الزام لگایا کہ مسٹر مودی نے ملک کے سب سے امیر 15 لوگوں کا پانچ لاکھ 55 ہزار کروڑ روپے کا قرض معاف کر دیا جبکہ کسانوں، چھوٹے دکانداروں اور نوجوانوں کا قرض معاف نہیں کیا۔ انہوں نے الزام لگایا کہ مسٹر مودی نے فضائیہ سے 30ہزار کروڑ روپے چوری کرکے انل امبانی کو دے دیئے ۔انل امبانی پر 45ہزار کروڑ کا بینک قرض تھا جسے ادا نہ کرنے کی وجہ سے ا سے جیل کی سزا ہونی تھی لیکن اس کے بھائی کی مدد سے وہ جیل جانے سے بچ گیا۔ انل امبانی کو مسٹر مودی نے رافیل طیارے بنانے کا ٹھیکہ دے دیا جس کے پاس اس کا کوئی تجربہ نہیں ہے ۔مسٹر گاندھی نے کہا کہ کانگریس کی حکومت بننے پر جی ایس ٹی کو آسان بناکر کم سے کم اور آسان ٹیکس رکھا جائے گا جس سے اس میں ہونے والی پریشانی سے راحت مل سکے ۔عوامی ریلی سے راجستھان کے وزیر اعلی اشوک گہلوت، ریاستی کانگریس کے صدر اور نائب وزیر اعلی سچن پائلٹ، آل انڈیا کانگریس کمیٹی کے جنرل سکریٹری اور راجستھان کے انچارج اویناش پانڈے نے بھی خطاب کیا۔
