مجرموں کی مدد کرنے والوں اورمحافظوںکے خلاف سخت قانونی کارروائی کرنے کی ہدایات جاری کیں
لازوال ڈیسک
سانبہ ؍؍سینئر سپرنٹنڈنٹ آف پولیس سانبہ بینم توش نے ضلع پولیس ہیڈ کوارٹر سانبہ میں کرائم جائزہ میٹنگ کی صدارت کی اور افسران کو مشورہ دیا کہ وہ سانبہ ضلع میں گھناؤنے جرائم میں ملوث کٹر مجرموں کو پناہ دینے والوں اور مدد کرنے والوںکے خلاف سخت قانونی کارروائی کریں۔وہیں کرائم ریویو میٹنگ میں ایڈیشنل ایس پی سانبہ سریندر چودھری، اے ایس پی بڑی برہمنہ،ڈپٹی ایس پی ،، ڈی وائی ایس پی ہیڈکوارٹر بھیشم دوبے، ایس ڈی پی او وجے پور روہت کمار، ڈپٹی ایس پی آپریشنز گھارو رام، تمام ایس ایچ اوز، اور تمام آئی/سی پی پیز نے شرکت کی۔ اس موقع پرایس ایس پی سانبہ نے تمام افسران کو ہدایت کی کہ وہ منشیات کی لعنت سے نمٹنے کے لیے اولین ترجیح رکھیں اور انسداد منشیات کے کام کی پیش رفت کی رپورٹ روزانہ کی بنیاد پر ڈسٹرکٹ پولیس ہیڈ کوارٹرز کو دیں۔ ایس ایس پی نے تمام افسران کو ہدایت جاری کی کہ وہ اپنے ذمہ داری کے علاقوں کو جلد از جلد منشیات کے کاروبار سے پاک کریں اور منشیات کی غیر قانونی اسمگلنگ اور سپلائی میں ملوث تمام افراد اور ان کے معاونین، سرپرستوں اور پناہ گزینوں کو جیل کی سلاخوں کے پیچھے ڈالیں۔
