ڈوڈہ کے دور افتادہ دیسا علاقے میں 2 روزہ پبلک آؤٹ ریچ پروگرام کامیابی کے ساتھ اختتام پذیر
کیمپ نے عوام کو اپنے تحفظات، شکایات اور مطالبات کو آواز دینے کا ایک پلیٹ فارم فراہم کیا
لازوال ڈیسک
ڈوڈہ// ضلع انتظامیہ ڈوڈہ نے ڈپٹی کمشنر ہرویندر سنگھ کی قیادت میں بھٹہ گائی، ملاں اے، ملاں بی، زرتنڈ گرامری اور ڈیسہ کے دیگر دور دراز علاقوں میں ایک اہم 2 روزہ پبلک آؤٹ ریچ پروگرام کا انعقاد کیا۔ وہیں یہ آؤٹ ریچ پروگرام آج کامیابی کے ساتھ اختتام پذیر ہوا۔ اس پروگرام میں مقامی باشندوں، پنچایتی راج اداروں پی آر آئی کے اراکین اور علاقے کے نمائندوں سمیت بہت زیادہ ٹرن آؤٹ دیکھا گیا۔ وہیں اجتماع نے عوام کو اپنے تحفظات، شکایات اور مطالبات کو آواز دینے کا ایک پلیٹ فارم فراہم کیا۔پروگرام کے دوران اے سی ڈی پھولیل سنگھ نے متعلقہ محکموں کو علاقے کو فائدہ پہنچانے کے لیے ترقیاتی کاموں کو انجام دینے کی ہدایات جاری کیں۔قابل ذکر ہدایات میں سیلاب میں بہہ گئے پلوں کی تعمیر نو کے لیے محکمہ جنگلات کے تعاون سے بی ڈی او بھگوا کے ذریعے تفصیلی پروجیکٹ رپورٹس کی تیاری شامل تھی۔ مزید برآں، دیہی رابطے کے اقدامات کے تحت گائی سے گلی ٹاپ تک سڑک کی تعمیر کے لیے ایک منصوبہ تیار کیا گیا ہے۔تحصیلدار بھگوا اور رینج آفیسر سراج کو بھٹہ ہائی اسکول کے لیے زمین کی حد بندی کو یقینی بنانے کی ہدایت کی گئی۔ بھیڑ پالن کے محکمے کو مستفید ہونے والوں کی فہرست کی دوبارہ تصدیق کرنے کا کام سونپا گیا تھا، جب کہ جے کے بینک مینیجر کو منتخب کاروباری نمائندوں کی فہرست کو عام کرنے کی ہدایت دی گئی تھی۔ انہوں نے اس علاقے میں جل جیون مشن کے تحت کاموں کی پیش رفت کا بھی جائزہ لیا تاکہ ہر گھر کو پینے کا صاف پانی فراہم کیا جا سکے جیسا کہ اسکیم میں تصور کیا گیا ہے۔قبل ازیں، مقامی لوگوں نے سڑک کے رابطے، مقامی اسکول کی عمارت کی تزئین و آرائش، سیلاب سے تباہ ہونے والے نالوں پر پلوں اور پلیوں کی تعمیر نو اور بھٹہ ہائی اسکول کے لیے زمین کی حد بندی کا مطالبہ کیا۔اس دوارن مقامی سرپنچوں، عوامی نمائندوں، اور مقامی لیڈروں نے بھی کیمپ میں حصہ لیا۔
