ہوسٹل کی کارکردگی پر خوشی کا اظہار کیا
وسیم حیدری
پونچھ// پیر پنچال عوامی ڈیولپمنٹ فرنٹ کے چیئرمین مولوی محمد فرید ملک نے ضلع پونچھ کے گوجربکروال ہوسٹل کا دورہ کیا جہاں موصوف نے بچوں سے ملاقات کی اور ہوسٹل کے وارڈن سے مختلف معاملات پر گفت و شنید بھی کی – اس موقع پر ہوسٹل کی کارکردگی پر خوشی کا اظہار کرتے ہوئے مولوی فرید نے گوجربکروال ہوسٹل کے بچوں سے کہا کہ وہ خوش قسمت ہیں جن کے لئے ہوسٹل وارڈن محمد فرید اور محمد فاروق نے بہت ہی عمدہ انتظام اور بہترین بندو بست کیا ہوا ہے ۔مولوی فرید نے کہا کہ اس سے پہلے اس گوجر بکروال ہوسٹل کی اتنی بہتر حالت نہیں تھی اور آج جس طرح سے آپ لوگوں کا خیال رکھا جا رہا ہے وہ قابل تعریف ہے ۔ان کا کہنا تھا کہ قیام وطعام کا اچھا بندوبست اور بچوں کی اچھی تربیت و تہذیب انہوں نے اس بار اس ہوسٹل میں دیکھی ہے جس کے لئے وہ گوجر بکروال ہوسٹل کے وارڈن محمد فرید اور اسٹنٹ واڈن محمد فاروق کو مبارک باد پیش کرتے ہیں ۔ انہوں نے امید ظاہر کی کہ بچوں کو مستقبل میں مزید بہتر سہولیات دستیاب کی جائیں گی ۔ مولوی فرید ملک نے بچوں سے کہا کہ جب کبھی بھی ان کو کسی پریشانی کا سامنا ہو تو وہ ان کے لئے ہمیشہ دستیاب ہوں گے ۔ انہوں نے بچوں سے مخاطب ہو کر کہا کہ جس طرح سے آپ کو سہولیات دی جارہی ہے آپ کو بھی سخت محنت ومشقت اور جدوجہد کرکے اپنے اساتذہ اور اپنے والدین کے ساتھ ساتھ علاقوں کا بھی نام روشن کرنے کی کوشش کریں اور اچھی تعلیم حاصل کر اچھے آفیسر بننے کی خواہش رکھیں۔ مولوی فرید نے کہا پونچھ ضلع سے ریحانہ بشیر جس کے سر پر والد محترم کا سایہ بھی نہیں تھا نے محنت وجدوجہد کرکے IAS کا امتحان پاس کیا ہے آپ کو بھی ریحانہ بشیر اور اس کے بھائی کے نقش قدم پر چلنا چائے اور محنت و لگن سے صرف پڑھائی کی طرف توجہ دیں مولوی فرید نے کہا کہ آپ اپنی تعلیم کی طرف خصوصی توجہ دیں جہاں آپ کو تعلیم کے دوران اس ہوسٹل میں کوئی دقت پیش آئے گی تو میں آواز بلند کروں گا اور آپ کی مشکلات کا ازالہ کرنے کے لئے جدو جہد کروں گا لیکن شرط یہ ہے کہ آپ کو اپنی پڑھاءمیں دلچسپی لینی ہے ۔´مولوی فرید ملک نے گوجربکروال ہوسٹل کے واڈن کے کاموں کی سراہنا کی اور کہا کہ آپ کو مبارک ہو جو آپ نے اتنا ان بچوں کا خیال رکھا ہوا ہے۔
