کہا پاکستانی زیر انتظام کشمیر کے مہاجرین کے لیے آٹھ اسمبلی سیٹیں مختص کی جائیں
لازوال ڈیسک
رام گڑھ ؍؍اپنی پارٹی کے صوبائی صدر جموں اور سابق وزیر ایس منجیت سنگھ نے آج قانون ساز اسمبلی میں جموں و کشمیر میں جاٹوں اور سکھ برادریوں کے لیے سیاسی ریزرویشن کا مطالبہ کیا۔سابق وزیر یہاں رام گڑھ میں ایک میٹنگ سے تبادلہ خیال کررہے تھے جس کا اہتمام اپنی پارٹی کے ضلعی صدر، لیگل سیل، سانبہ ایڈووکیٹ ساحل بھارتی نے کیا تھا۔واضح رہے اس میٹنگ کا اہتمام جموں و کشمیر کی ابھرتی ہوئی سیاسی صورتحال اور لوگوں کے مطالبات پر تبادلہ خیال کرنے کے لیے کیا گیا تھا جس سے انہیں گزشتہ کئی دہائیوں سے درپیش مشکلات پر قابو پانے میں مدد ملے گی۔ایس منجیت سنگھ نے سماج کے پسماندہ طبقے خصوصاً سکھوں اور جاٹوں کی حالت زار پر تشویش کا اظہار کیا جن کی آبادی بہت زیادہ ہے، لیکن انہیں سیاسی نمائندگی نہیں دی گئی۔ان کے معیار زندگی، سیاسی اور اقتصادی حیثیت کو اپ گریڈ کرنے کے لیے، انہوں نے کہا کہ حکومت کے لیے جموں کے ساتھ ساتھ کشمیر کے صوبے میں سکھوں اور جاٹوں دونوں کو سیاسی ریزرویشن دینا ضروری ہو جاتا ہے۔انہوں نے کہا کہ سکھوں کو جموں اور کشمیر میں ایک ایک قانون ساز اسمبلی کی نشست ریزرو کرکے سیاسی نمائندگی دی جانی چاہئے۔
