تقریب پر معروف ادبی شخصیت اور صحافی جمیل انصاری کو اعزاز سے نوازا گیا
لازوال ڈیسک
سرینگر؍؍بزمِ ادب بٹہ پورہ کانہامہ کشمیر کے اہتمام اور جموں اینڈ کشمیر اکیڈیمی آف آرٹ کلچر اینڈ لینگویجز کے اشتراک سے آج چچی لورہ ماگام ٹنگمرگ میں در خانہ نذیر شاہد ایک محفلِ مشاعرے کا انعقاد کیا گیا۔ منعقد کیا گیاہے۔مشاعرے کی صدارت معروف ادیب ، شاعر اور قلمکار فیاض تلگامی نے کی جبکہ تنظیم کے بانی جی این شاہین،ہلال کشمیری ، کلچرل اکیڈیمی کے نمایندے مقبول ساجداور یاسین دریگامی بھی ایوان میں موجود رہے۔مشاعرے کا آغاز تلاوت کلامِ پاک اور نعتِ نبی صلعم سے ہوا جسکی سعادت حفیظ اللہ راحت اور عبدالاحد شہباز کو ہوئی۔تقریب پر کلچرل اکیڈیمی سے وابستہ نمایندہ اور صحافی جمیل انصاری کو ادب اور صحافت میں نمایاں کارکردگی پر اعزاز سے نواز کر اس کی قابلیت اور محنت کا اعتراف کیا ۔معروف ادیب اور شاعرخورشید خاموش نے خطبہ استقبالیہ پیش کیا۔ انہوں نے کہا کہ ہماری تنظیم نو آموز اور نوجوان شعراء کو پلیٹ فارم مہیا کر کے ادب اور زبان کی خدمت میں پیش پیش ہے۔اس موقعے پر کلچرل اکیڈیمی کے نمائندے مقبول ساجد نے تقریب کے حوالے سے اپنے خیالات کا اظہار کیا۔تقریب کے اختتام پرنذیر شاہد نے مہمانوں،کلچرل اکیڈیمی، صحافیوں اور شرکائِ محفل کا شکریہ ادا کیا۔ انہوں نے امید ظاہر کی مستقبل میں بھی تنظیم کی طرف سے ایسے ادبی پروگرام جاری و ساری رہیں گے۔محفل مشاعرے میں جن شعراء نے اپنا کلام پیش کرکے داد و تحسین حاصل کی اُن میں میر غلام نبی شاہین، محی الدین حامد،عبدالعزیز بیتاب، فیاض تلگامی، شفیق کارہامی، ہلال کشمیری، ڈاکٹر واحد رضا، ہلال احمدوانی،صارِم اقبال،بشیر اطہر خانپوری، یاسین دریگامی، خورشید خاموش، نذیر شاہد، زاہد نذیر، عبدالاحد شہباز، محمد یوسف ندیم، راحت حفیظ، ساگر گُل، مشتاق احمد مشتاق، مجید مضروب،منظور منظر، عاشق شامل ہیں۔مشاعرے کی نظامت کے فرائض ڈاکٹر واحد رضا نے انجام دئے۔
