کہابی جے پی ہمیشہ ہر فرد کی ترقی کے لیے پرعزم اور وقف ہے،وزیراعظم مودی جموںوکشمیرکی ترقی کے عہدبند
لازوال ڈیسک
جموں؍؍وزیر اعظم نریندر مودی کی سربراہی میں بھارتیہ جنتا پارٹی (بی جے پی) اور مرکزی حکومت جموں و کشمیر کی ترقی کے لیے پوری طرح پرعزم ہے، یہ بات بی جے پی کی ضلع صدر جموں جنوبی ریکھا مہاجن نے کنٹونمنٹ وارڈ نمبر 1، ناروال پین نزد آئس فیکٹری، گاندھی نگر منڈل میں بوتھ جن سمواد کے دوران کہی۔ عوامی میگا آؤٹ ریچ پروگرام کے دوران ریکھا مہاجن کے ساتھ ضلع نائب صدر اور پربھاری گاندھی نگر نریندر گپتا کوکی، گاندھی نگر منڈل کے صدر بھارت بھوشن، ضلع سکریٹری روہین چندن، منڈل جنرل سکریٹری رچیت کھوسلہ، لوویشا گپتا اور رمیش گپتا بھی موجود تھے۔ ریکھا مہاجن نے "بوتھ جن ابھیان” پر عوام سے خطاب کرتے ہوئے اس بات پر روشنی ڈالی کہ بی جے پی ہمیشہ ہر فرد کی ترقی کے لیے پرعزم اور وقف ہے، بنیادی طور پر وہ لوگ جنہیں کئی دہائیوں کے دوران آنے والی حکومتوں نے پیچھے چھوڑ دیا ہے۔ ریکھا نے راجستھان، مدھیہ پردیش اور چھتیس گڑھ میں بی جے پی کی جیت کو پارٹی کی پالیسیوں اور پروگراموں کی توثیق کے طور پر سراہا اور تینوں ریاستوں کے عام لوگوں کو بی جے پی پارٹی پر اعتماد بحال کرنے پر مبارکباد دی۔ انہوں نے کہا کہ ان ریاستوں کے لوگوں نے وزیر اعظم نریندر مودی، مرکزی وزیر داخلہ امیت شاہ اور بی جے پی کے قومی صدر جے پی نڈا کی کارکردگی کی تائید کی ہے اور یہ واضح کر دیا ہے کہ لوگ اب صرف ان لوگوں کی حمایت کریں گے جو ترقی کے لیے ایمانداری سے کام کریں گے۔انہوں نے زور دے کر کہا کہ عوام کے لیے بی جے پی حکومت کا مطلب ترقی ہے اور آج کی فتح تاریخی اور بے مثال ہے۔ وہ اشارہ کرتی ہیں کہ یہ دن ترقی یافتہ ہندوستان کے وڑن کی کامیابی کی علامت ہے۔ یہ ہندوستان کی مجموعی ترقی کے لیے ریاستی ترقی کی فتح کی علامت ہے اور وزیر اعظم نریندر مودی کی حکومت کی متحرک قیادت میں آج ملک ایمانداری، شفافیت اور اچھی حکمرانی کی فتح کا گواہ ہے۔ریکھا خواتین کو بی جے پی کے خاموش ووٹر ہونے کا کریڈٹ دیتی ہیں اور ملک بھر میں خواتین خاموش حامیوں کا سب سے بڑا گروپ ہے جو بھارتیہ جنتا پارٹی (بی جے پی) کی خواتین پر مبنی اسکیموں اور این ڈی اے حکومت کی طرف سے شروع کی گئی پروگراموں کو ووٹ دیتے رہتے ہیں جس نے پورے ملک کے تمام انتخابات میں ان کی حمایت کو یقینی بنایا۔
