آئی ای سی مہم کے تحت، مفت ہیلتھ چیک اپ، نئے آدھار کارڈ جاری کرنے اور موجودہ کارڈز کو اپ ڈیٹ کرنے کے لیے سہولت فراہم
لازوال ڈیسک
جموں؍؍جموں شہر میں وکشت بھارت سنکلپ یاترا (VBSY) آسانی سے آگے بڑھ رہی ہے۔ وہیں وی بی ایس وائی کیمپ آج نروال سبزی منڈی اور جموال چوک چھنی ہمت میں لگائے گئے۔ تاہم دونوں علاقوں اور آس پاس کے مکینوں نے بڑی تعداد میں یاترا میں شرکت کی۔وہیں آئی ای سی مہم کے تحت، مفت ہیلتھ چیک اپ، نئے آدھار کارڈ جاری کرنے اور موجودہ کارڈز کو اپ ڈیٹ کرنے کے لیے موقع پر ہی سہولت فراہم کرنے کے لیے کیمپوں کا انعقاد کیا گیا۔اس دوران رہائشی نئے ایل پی جی کنکشن اور آیوشمان بھارت ہیلتھ کارڈ جاری کرنے اور پی ایم سواندھی اسکیم کے تحت منظور شدہ قرضوں کے حصول کے لیے بھی آگے آئے۔دریں اثناء ملک گیر مہم کے ایک حصے کے طور پر، ملٹی میڈیا مواد کے ذریعے خصوصی طور پر ڈیزائن کی گئی آئی ای سی (انفارمیشن، ایجوکیشن، کمیونیکیشن) وین نے خاص طور پر جموں و کشمیر میں لوگوں کی زندگیوں کو بہتر بنانے کے لیے حکومت ہند کے مختلف پروگراموں، اسکیموں اور اقدامات کے بارے میں عام لوگوں میں بیداری پیدا کی۔ اس موقع پر، ایک عہد – وکشت بھارت سنکلپ – سال 2047 تک ہندوستان کو ایک ترقی یافتہ اور خود کفیل ملک بنانے کے لیے شرکاء کو کروایا گیا۔واضح رہے وکشت بھارت سنکلپ یاتراکا آغاز وزیر اعظم نریندر مودی نے 15 نومبر 2023 کو کیا تھا، اس کا مقصد صفائی، ضروری مالیاتی خدمات، بجلی، ایل پی جی سلنڈروں تک رسائی، فلاحی اسکیموں کے بارے میں بیداری پیدا کرنے اور ان کی تکمیل کے لیے عوام تک پہنچنا ہے۔ اس مہم کا مقصد 25 جنوری 2024 تک 2.55 لاکھ گرام پنچایتوں اور 3,600 سے زیادہ شہری بلدیاتی اداروں کا احاطہ کرنا ہے، جو ملک کے ہر ضلع کو چھوتی ہے۔
