ایس ڈبلیو ڈی خصوصی ضروریات والے بچوں کی بہتری کے لیے کوشاں ہے: شیتل نندا
لازوال ڈیسک
جموں؍؍اسکول ایجوکیشن ڈیپارٹمنٹ، جموں و کشمیر کے زیراہتمام سماگرا شکشا نے آج ٹیچربھون میں معذور افراد کے عالمی دن کے موقع پر ایک بہت ہی متاثر کن تقریب اور ثقافتی پروگرام کا انعقاد کیا۔وہیں پرنسپل سکریٹری اسکول ایجوکیشن ڈپارٹمنٹ آلوک کمار اس موقع پر مہمان خصوصی تھے اور شیتل نندا کمشنر سکریٹری، محکمہ سماجی بہبود خصوصی مدعو تھے۔اس موقع پر پروجیکٹ ڈائریکٹر سماگرا شکشا، دیپ راج، ڈائریکٹر اسکول ایجوکیشن جموں اشوک کمار شرما، اسپیشل سیکریٹری کانتا دیوی، اسپیشل سیکریٹری انو بہل، جے ڈی ایس ای ڈی ، سبھا مہتا، کے علاوہ دیگر افسران ڈپٹی ڈائریکٹر پلاننگ بلال رشید، سی ای او جموں، جگدیپ پادھا بھی موجود تھے۔ اس موقع پر ایک ثقافتی تقریب منعقد ہوئی جس میں یوٹیبھر میں کام کرنے والے اسکولوں سے خصوصی طور پر معذور بچوں کی غیر معمولی صلاحیتوں کی نمائش کی گئی۔وہیںپروگرام کا آغاز خصوصی طور پر معذور بچوں کے اشارے کی زبان میں قومی ترانے سے ہوا جس نے حب الوطنی کے جذبات سے سامعین کو مسحور کر دیا۔اس دوران پروجیکٹ ڈائریکٹر، سماگرا شکشا نے خطبہ استقبالیہ پیش کیا، جس میں انہوں نے سماگرا شکشا کی جامع تعلیم اسکیم کے تحت خصوصی ضروریات والے بچوں کی بہبود کے لیے کیے گئے مختلف اقدامات کے بارے میں بتایا۔ اس موقع پرشیتل نندا، کمشنر سکریٹری سماجی بہبود محکمہ نے اپنے خطاب میں بہت جذباتی محسوس کیا اور کہا کہ خصوصی طور پر معذور بچوں میں بہت زیادہ صلاحیتیں ہوتی ہیں، جو ثقافتی تقریب میں ان کی پرفارمنس سے ظاہر ہوتی ہے۔ انہوں نے کہا کہ محکمہ سکول ایجوکیشن اور محکمہ سماجی بہبود مشترکہ طور پر سرکاری سکولوں میں داخل ہونے والے خصوصی طور پر معذور بچوں کی بہتری کے لیے متعدد اقدامات کر رہے ہیں۔ انہوں نے سامعین کو سماجی بہبود محکمہ، جموں و کشمیر کی طرف سے لاگو کی جا رہی فلاحی اسکیموں کے بارے میں بھی آگاہ کیا۔وہیںٹیچر بھون میں ایک بڑے اجتماع سے تبادلہ خیال کرتے ہوئے، پرنسپل سکریٹری، اسکول ایجوکیشن- آلوک کمار نے اسٹیج پر اپنی بہترین صلاحیتوں بشمول لوک رقص، لوک موسیقی، عصری رقص، سنگنگ اور مائمز کے ساتھ پرفارم کرنے کے لیے خصوصی طور پر قابل طلبہ کی ستائش کی۔ انہوں نے اس بات کا بھی اعادہ کیا کہ،آئی ڈی پی ڈی کا مقصد خصوصی طور پر قابل طلباء کی حوصلہ افزائی کرنا ہے اور مزید کہا کہ، ان خصوصی طور پر قابل طلباء کا نام تبدیل کر کے خصوصی طور پر باصلاحیت طلباء رکھا جانا چاہئے ، جنہوں نے پیشہ ور افراد کے برابر کارکردگی کا مظاہرہ کیا۔ انہوں نے کہاکہ جسمانی ناخیز طلباء کو تعلیم دینا محکمہ سکول ایجوکیشن کی بنیادی فکر ہے۔ انہوں نے آخر میں پراجیکٹ ڈائریکٹر دیپ راج کی سربراہی میں سماگرا ٹیم کو مبارکباد پیش کی جنہوں نے خصوصی ضروریات والے بچوں کی بہتری کے لیے مسلسل کوششیں کیں۔
