سری نگر،//تین ریاستوں میں بھارتیہ جنتاپارٹی کی شاندار جیت پر جموں وکشمیر میں بھی بھاجپا کارکنوں نے جشن منایا اور پٹاخے سر کئے۔بی جے پی کے جموں وکشمیر یونٹ کے صدر رویندر رینا نے دعویٰ کیا کہ آئندہ پارلیمانی انتخابات میں بھی بی جے پی مرکز میں سرکار بنانے میں کامیاب ہو جائے گی۔
اطلاعات کے مطابق راجستھان، مدھیہ پردیش اور چھتیس گڑھ میں شاندار جیت کے بعد ملک کے ساتھ ساتھ جموں وکشمیر میں بھی بھارتیہ جنتاپارٹی کے کارکنوں نے جشن منایا ۔
جموں میں بی جے پی صدر روینا رینا کی سربراہی میں پارٹی کارکنوں نے جشن منایا اور پٹاخے چھوڑے۔
اس موقع پر بی جے پی جموں وکشمیر یونٹ کے صدر رویندر رینا نے کہاکہ بی جے پی نے تین ریاستوں میں جیت حاصل کرکے ایک تاریخ رقم کی ہے۔انہوں نے کہاکہ تین ریاستوں میں جس طرح سے بی جے پی نے کامیابیوں کے جھنڈے گاڑے وہ قابل تعریف ہے۔
رویندر رینا نے کہاکہ بھارتیہ جنتاپارٹی پارلیمانی الیکشن میں بھی کامیاب ہو کر مرکز میں پھر سے سرکار بنانے میں کامیاب ہوئے جائے گی۔
نہوں نے مزید بتایا کہ بی جے پی نے ہمیشہ عوام کی بات کی اوروزیر اعظم نریندر مودی کی سربراہی میں مرکزی سرکار نے ہمیشہ لوگوں کی فلاح و بہبود کی خاطر کام کیا۔
دریں اثنا سری نگر سمیت وادی کے دیگر اضلاع میں بھی بی جے پی کارکنوں نے جشن منایا ۔
