ان پروگراموں کا مقصد نوجوان اورابھرتے ہوئے فنکاروں کو ایک پلیٹ فارم فراہم کرنا ہے:بھارت سنگھ
لازوال ڈیسک
جموں؍؍لیجنڈ آرٹسٹ او پی شرما سارتھی کو خراج عقیدت پیش کرنے کیلئے جے اینڈ کے اکیڈمی آف آرٹ، کلچر اینڈ لینگوئجز نے یہاں کے ایل سیگل ہال جموں میںشام غزل کا انعقاد کیا ۔واضح رہے ڈاکٹر او پی شرما سارتھی ایک کثیر جہتی شخصیت کا جنم مٹن کشمیر میں ہوا۔ تمام تجارتوں کے ماسٹر مصنف، شاعر، مصور، کارٹونسٹ، آیورویداچری، فوٹوگرافر، میوزک کمپوزر اور سب سے بڑھ کر انسانوں کے ساتھ محبت، بھائی چارے اور ساتھی مخلوق کے لیے قربانی کی تمام خصلتوں کے ساتھ مجسم اس شخصیت کا شاندار خراج عقیدت پیش کیا گیا ۔وہیںجموں و کشمیر کے معروف ادیب ایس پریت پال سنگھ بیتاب اس موقع پر مہمان خصوصی تھے جبکہ انیل سہگل نے پروگرام کی صدارت کی۔ وہیںجے کے اے اے سی ایل کے سکریٹری بھرت سنگھ نے فنکاروں اور مہمانوں کا استقبال کیا۔ انہوں نے کہا کہ ان پروگراموں کا مقصد نوجوان ابھرتے ہوئے فنکاروں کو ایک پلیٹ فارم فراہم کرنا ہے۔تاہم پروگرام کا آغاز او پی شرما سارتھی کی غزل سے ہوا جو کہ نوجوان آنے والے فنکار آدتیہ لنگیہ نے گائی ہے ۔ اس کے بعد ونشیکا جرال نے غزل پیش کی ۔تاہم دونوں گلوکاروں نے اپنی سریلی آواز سے حاضرین کے دل موہ لیے۔دریں اثناء ڈاکٹر شاہنواز نے شکریہ کی تحریک پیش کی۔
