سینکڑوں برس قبل کے واقع کو نٹرنگ نے پیش کر کے داد حاصل کی
لازوال ڈیسک
جموں؍؍دنیا بھر میں سب سے مشہور ڈوگری ڈرامے باوا جیتو نے جھڑی میلہ 2023 کے مرکزی اسٹیج پر مسلسل دوسرے دن بھی ہزاروں شائقین کو مسحور کر دیا۔نٹرنگ جموں کی ایک پریزنٹیشن آنجہانی پروفیسر رام ناتھ شاستری نے لکھی ہے اور اسے اختراعی، ڈیزائن اور تخلیقی طور پر پدم شری بلونت ٹھاکر نے ڈائریکٹ کیا ہے۔ نٹرنگ کی یہ دل آویز پیشکش نے ہزاروں عقیدت مندوں اور زائرین کو جادوئی انداز میں ایک کسان کی عظیم قربانی کی چھ سو پچاس سال پرانی داستان تک پہنچایا جس نے انصاف اور جاگیرداروں کے استحصال کی جنگ میں اپنی جان دی تھی۔اس پریزنٹیشن کی سب سے قابل ذکر خصوصیت یہ تھی کہ اس نے ناظرین کو 15ویں صدی کی کہانی کو بالکل اسی جگہ پر زندہ کیا جہاں یہ سینکڑوں سال پہلے ہوا تھا۔وہیں تفصیلات بتاتے ہوئے نٹرنگ کے ڈائریکٹر بلونت ٹھاکر نے کہا کہ اگر اس طرح کی تقریبات کو ایک مستقل خصوصیت بنا دیا جائے تو یہ نہ صرف علاقے کی ثقافتی زندگی کو زندہ کریں گے بلکہ یہ عالمی ثقافتی مقام بھی بن جائیں گے۔ انہوں نے ضلعی انتظامیہ بالخصوص ڈپٹی کمشنر جموں مسٹر سچن ویشیا اور منو ہنسا، ایس ڈی ایم مڑھ کا تہہ دل سے شکریہ ادا کیا جنہوں نے یہ سب ممکن بنانے کے لئے ناٹرنگ کا ساتھ دیا۔
