انتظامی کونسل نے 26کروڑروپے کی زمین کی خریداری کو منظوری دی
لازوال ڈیسک
جموں؍؍لفٹینٹ گورنر مسٹر منوج سنہا کی صدارت میں منعقد ہوئی انتظامی کونسل ( اے سی )نے قومی راجدھانی نئی دہلی میں جموں و کشمیر گیسٹ ہاوس کے لئے ایک نئی عمارت کی تعمیر کیلئے26 کروڑ روپے کی زمین خریدنے کیلئے ہاسپیٹلٹی اینڈ پروٹوکول ڈیپارٹمنٹ کی تجویز کو منظوری دی ۔ لفٹینٹ گورنر کے مشیر راجیو رائے بھٹناگر ، جموں و کشمیر کے چیف سیکرٹری ڈاکٹر ارون کمار مہتا ، لفٹینٹ گورنر کے پرنسپل سیکرٹری ڈاکٹر مندیپ کمار بھنڈاری نے میٹنگ میں شرکت کی ۔ واضح طور پر چانکیہ پوری ( سی پی جی ایچ ) نئی دہلی میں واقع جموں و کشمیر گیسٹ ہاوس کا ایک اہم حصہ سی پی جی ایچ کے کوارٹرز اور بلاکس سی جموں و کشمیر تنظیم نو ایکٹ 2019 کے نفاذ کے بعد مرکز کے زیر انتظام علاقے لداخ میں تقسیم کیا گیا تھا ۔ اضافی عمارت عام شہریوں اور جموں و کشمیر یو ٹی کے مریضوں کیلئے رہائش کو بہتر بنائے گی جو اکثر قومی دارالحکومت میں آتے ہیں ، رہائش کی سہولیات کی مجموعی دستیابی کو بڑھاتے ہیں ۔
