یو این آئی
واشنگٹن ،// امریکہ کے صدر ڈونالڈ ٹرمپ نے کہا کہ چین کے صدر شی جن پنگ جلد ہی امریکہ کا دورہ کریں گے ۔ وائٹ ہا¶س کی رپورٹ کے مطابق مسٹر ٹرمپ نے جمعرات کو کہا“ چین کے صدر شی جن پنگ جلد ہی یہاں آنے والے ہیں”۔اس مہینے کے اوائل میں وال سٹریٹ جرنل نے اس معاملے پر معتبر ذرائع کا حوالہ دیتے ہوئے رپورٹ دی جس میں لکھا تھا کہ امریکہ اور چین مئی کے آخر میں یا جون کے اوائل میں امریکہ میں ایک رسمی تقریب میں آخری تجارتی سمجھوتہ کر سکتے ہیں۔ وائٹ ہا¶س نے بدھ کو ایک بیان میں کہا کہ امریکہ اور چین کے درمیان تجارتی مذاکرات کا ایک نیا دور 30 اپریل کو بیجنگ اور 8 مئی کو واشنگٹن میں شروع ہو گا ۔چین اور امریکہ گذشتہ جون سے کاروبار تنازعے میں الجھے ہیں، جب امریکی صدر ڈونالڈ ٹرمپ نے اعلان کیا تھا کہ امریکہ امریکی-چینی تجارتی خسارے کو ٹھیک کرنے کے لئے 50 ارب ڈالر کے چینی سامان پر 25 فیصد ٹیکس لگائے گا۔ اسپوتنک
