برادران وطن پوری عقیدت کے ساتھ منارہے ہیں چھٹھ ، انتظامیہ پوری طرح چوکس
یواین آئی
پٹنہ؍؍ راجدھانی پٹنہ سمیت پورا بہارمیں لوگ چھٹھ تہوار کو پورے جوش و خروش کے ساتھ منار ہے ہیں۔بہار سمیت پورے ملک میں جمعہ کو چھٹھ تہوار شروع ہو گیا ہے۔ راجدھانی پٹنہ سمیت پورے بہار کے لوگ آج غروب آفتاب کو ارگھ دیں گے، جس کے لیے جہاں صفائی، سیکورٹی اور دیگر تیاریاں مکمل کر لی گئی ہیں، وہیں چھٹھ ورتیوںمیں جوش و خروش ہے۔ گھروں سے گھاٹ تک، گلیوں سے سڑکوں تک ہر طرف صفاف ستھراماحول دیکھنے کو مل رہاہے پولیس انتظامیہ بھی چوکس ہے۔ چھٹھ کے حوالے سے راجدھانی پٹنہ سمیت بہار کے ہر گھر میں چھٹھ کے گانے گونجنے لگے ہیں۔ریاستی حکومت نے ضلع انتظامیہ کو ہر چھٹھ گھاٹ پر سیکورٹی کو یقینی بنانے کا حکم دیا ہے۔ اہم گھاٹوں پر غوطہ خوروں کے ساتھ کافی تعداد میں سیکورٹی فورسز کو تعینات کیا گیا ہے، تاکہ کوئی ناخوشگوار واقعہ پیش نہ آئے۔ راجدھانی میں گنگا گھاٹوں کی حفاظت پر پوری توجہ دی جارہی ہے۔ خاص طور پر ضلعی انتظامیہ اس بات کو یقینی بنانے کی ہر ممکن کوشش کر رہی ہے کہ کسی قسم کی بھگدڑ نہ ہو۔ پٹنہ میونسپل کارپوریشن شہر کے پارکوں اور عوامی مقامات پر بنائے گئے تالابوں میں گنگا کا پانی ڈال رہی ہے۔ گنگا کا پانی عارضی اور مستقل دونوں تالابوں میں مفت ڈالا جا رہا ہے۔ چھٹھ گھاٹوں پر طبی انتظامات کئے گئے ہیں۔ ایمرجنسی کی صورت میں ایمبولینس کی مدد لی جا سکتی ہے۔بہار میں سورج کی پوجا کے عظیم تہوار کارتک چھٹھ کے موقع پر آج ورت رکھنے والوں نے غروب آفتاب کو ندی اور تالاب میں کھڑے ہوکر پہلا ارگھیہ پیش کیا۔دریائے گنگا میں ہزاروں مرد و خواتین ورت رکھنے والوں نے غروب آفتاب کو ارگھیہ پیش کیا۔ اس موقع پر لاکھوں لوگوں نے مقدس ندی گنگا میں غسل بھی کیا۔ آج دوپہربعد سے ہی دریائے گنگا کی طرف جانے والی تمام سڑکیں چھٹھ ورت اور سورج کی پوجا کے پرعقیدت خوبصورت گانوں سے گونج رہی تھیں۔ "کیلوا جے فریلا گھود سے، اوہ پر سوگا میڑرائی، آدت لہو مور ارگیا۔، درس دیکھاؤ ای دینا ناتھ۔، اْگی ہے سروج دیو، اوہ چھتی مئیا، توہر مہیما آپار، کانچ ہی باس کے بہنگیہ بہنگی لچکت جائے،” گانے سنے جا رہے ہیں۔پٹنہ ضلع انتظامیہ نے دریائے گنگا کے گھاٹوں پر سخت حفاظتی انتظامات کیے ہیں۔ چھٹھ گھاٹوں پر گاڑیوں کی نقل و حرکت پر پابندی لگا دی گئی ہے۔ اس کے لیے ٹریفک پلان تیار کرکے عام لوگوں میں پھیلایا جا رہا ہے۔ چھٹھ کی وجہ سے دریاؤں میں پرائیویٹ کشتیوں کے چلانے پر پابندی لگا دی گئی ہے اور ندی گھاٹ پرنیشنل ڈیزاسٹر رسپانس فورس (این ڈی آر ایف) اور اسٹیٹ ڈیزاسٹر رسپانس فورس (ایس ڈی آر ایف) کی ٹیم کو ایٹو موڈ میں رہنے کی ہدایات دی گئی ہیں۔ گھاٹوں پر امن و امان برقرار رکھنے اور پرامن پوجا کا اہتمام کرنے کے لیے مناسب تعداد میں مجسٹریٹ، پولیس افسران اور پولیس فورس تعینات کی گئی ہے۔اس موقع پر وزیر اعلیٰ نتیش کمار نے یہاں ایک انے مارگ پر واقع اپنی رہائش گاہ پر غروب آفتاب کو پہلا ارگھیہ پیش کیا اور ریاست کی خوشی، امن اور خوشحالی کی خواہش کی۔ انہوں نے لوک عقیدے کے عظیم تہوار چھٹھ پوجا کے موقع پر بہار کے لوگوں کو مبارکباد دیتے ہوئے کہا کہ یہ خود نظم و ضبط کا تہوار ہے۔ لوگ خالص ضمیر اور خالص دماغ کے ساتھ غروب آفتاب اور ابھرتے ہوئے بھگوان سوریا کو ارگھیہ پیش کرتے ہیں۔ وہ بھگوان بھاسکر سے ریاست میں ترقی، خوشی، خوشحالی اور امن کے لیے دعا کرتے ہیں۔گھاٹوں پر پرکشش سجاوٹ کے ساتھ ساتھ گھاٹوں اور آنے جانے والے راستوں پر رنگ برنگے ایل ای ڈی بلب سے روشنی کا انتظام کیا گیا ہے۔ سیکیورٹی کے بھی سخت انتظامات کیے گئے ہیں۔ عقیدت مندوں کی سہولت کا خاص خیال رکھا گیا ہے۔ انتظامیہ نے جہاں صفائی کی مہم شروع کر رکھی ہے وہیں لوگ بھی اپنی سطح پر محلوں اور گلیوں میں صفائی کا خیال رکھ رہے ہیں تاکہ چھٹھ کے عقیدت مندوں کو کسی قسم کی دشواری کا سامنا نہ کرنا پڑے۔بجلی کی بلا تعطل اور محفوظ فراہمی کے لیے ہر گھاٹ پر الیکٹریکل انجینئرز کی قیادت میں الیکٹریکل اہلکار تعینات کیے گئے ہیں۔پٹنہ میں 100 سے زیادہ چھٹھ گھاٹ تیار کیے گئے ہیں۔چھٹھ کے دوران بھیڑ کو کنٹرول کرنے اور کسی بھی ناخوشگوار واقعے سے بچنے کے لیے ریاستی دارالحکومت میں تقریباً 5000 اضافی سیکورٹی فورسز کو تعینات کیا گیا ہے۔ اس کے علاوہ، 300 سے زیادہ اسٹیٹ ڈیزاسٹر رسپانس فورس (ایس ڈی آر ایف ) اور نیشنل ڈیزاسٹر ریسپانس فورس (این ڈی آر ایف) کے اہلکاروں کو شہر کے مختلف گھاٹوں پر تعینات کیا گیا ہے۔ چھٹھ ورتیوں کے لیے چینجنگ روم، شیڈ، ٹوائلٹ، لائٹ ٹاور، کنٹرول روم اور عارضی کنٹرول روم کا انتظام ہے۔گھاٹوں پر سی سی ٹی وی کیمرے لگائے گئے ہیں۔گنگا میں پانی کی سطح کو مدنظر رکھتے ہوئے بیریکیڈنگ بھی کی گئی ہے۔ میونسپل کارپوریشن انتظامیہ کی جانب سے ہر چھٹھ گھاٹ پر ڈسٹ بن بکس بھی لگائے گئے ہیں تاکہ چھٹھ گھاٹ پر کچرا جمع نہ ہو۔ چھٹھ تہوار کے سلسلے میں گھاٹوں پر آنے جانے کے لیے الگ الگ راستے اور گاڑیوں کی پارکنگ کے لیے الگ جگہوں کا تعین کیا گیا ہے۔پٹنہ سمیت ریاست کے مختلف حصوں میں پولیس انتظامیہ پوری طرح چوکس ہے۔ سی سی ٹی وی اور ڈرون کے ذریعے کئی مقامات کی نگرانی کی جا رہی ہے۔ اس کے علاوہ پٹنہ کے مختلف گھاٹوں پر کئی میڈیکل کیمپ بھی لگائے گئے ہیں۔
