عارف قریشی
راجوری نیشنل کونسل فار اربن اینڈ رورل ڈیولپمنٹ سوسائٹی جموں نے گورنمنٹ گرلز ہائر اسکنڈری اسکول راجوری میں ایس ٹی پلان برائے طلاب و اساتذہ ضلع راجوری تین روزہ تربیتی ورکشاپ کا سائنس کی مقبولیت پر آغاز کیا گیا ۔واضح رہے اس ورکشاپ کا افتتاح یہاں محمد اشرف راتھر چیف ایجوکیشن آفیسر راجوری نے عبدالرﺅف پرنسپل گرلز ہائر اسکنڈری اسکول راجوری کی موجودگی میں کیا ۔وہیں ماسٹر رسورس پرسن ڈاکٹر اشفاق حسین نے اپنے خطبے میں کہا کہ ورکشاپ وگیان پرسار محکمہ سائنس اینڈ تکنالوجی حکومت ہند اور نیشنل کونسل فار اربن اینڈ رورل ڈیولپمنٹ سوسائٹی جموں کے اشتراک سے منعقد کی جا رہی ہے ۔وہیں سی ای او راجوری محمد اشرف راتھر نے اپنے خیالات کا اظہار کرتے ہوئے این سی یو آر ڈی ایس جموں کے کام کی سراہنا کی ۔انہوں نے مزید کہا کہ اس طرح کے پروگراموں کا انعقاد کرنا وقت کی ضرورت ہے ۔اس دوران پرنسپل گرلز ہائر اسکنڈری اسکول راجوری نے تبادلہ خیال کرتے ہوئے اساتذہ اور طلاب پر زور دیا کہ ورکشاپ کے دوران سائنس کے مختلف موضوعات کو غور سے سماعت کریں۔واضح رہے اس ورکشاپ میں ڈاکٹر عاشق حسین پرنسپل ڈگری کالج چھاترو، کلدیپ گپتا ماسٹر جی جی ایچ ایس سمبل کیمپ ، شمیل نبی اسسٹنٹ پروفیسر گلگوٹیا کالج گریٹر نوئڈا دہلی رسورس پرسن کے طور اپنی خدمات انجام دیں گے۔
