عوام کو براہ راست مستفید ہونے والی اسکیموں کے بارے میں مطلع کیا گیا
لازوال ڈیسک
کرگل؍؍ حکومت کی فلیگ شپ اسکیموں کی سنترپتی کو یقینی بنانے کے لیے، آج کرگل ضلع کے پنچایت گھر متیان اور پنچایت گھر پندراس میں وکشت بھارت سنکلپ یاترا کیمپ کا انعقاد کیا گیا۔اس تقریب کے دوران آر ڈی اینڈ پی آر ڈی، صحت، ماہی پروری، زراعت، باغبانی، سماجی بہبود، پی ایچ ای کرگل، آئی سی ڈی ایس، نبارڈ، این آر ایل ایم، ہینڈلوم، این وائی کے، کے وی کے، کوآپریٹو ڈیپارٹمنٹ کے علاوہ دیگر لائن ڈیپارٹمنٹس کے بلاک سطح کے افسران موجود تھے۔اس موقع پر مختلف محکمہ جات کے افسران اور اہلکاران موجود تھے ۔وہیںگاؤں والوں کو مختلف براہ راست مستفید ہونے والی اسکیموں کے بارے میں مطلع کیا گیا، جس کا مقصد ان کی زندگیوں کو بہتر بنانا ہے۔اس پروگرام کے دوران شرکاء کی طرف سے وکشت بھارت کا عہد بھی لیا گیا۔وہیںکیمپ کے دوران، ایک مکمل ہیلتھ اسکریننگ کا انعقاد کیا گیا، جس میں ضروری ہیلتھ چیک اپ شامل تھا۔وہیںصحت کی خدمات کے علاوہ، زراعت، باغبانی، این آر ایل ایم اور دیگر محکموں سے متعلقہ خدشات کو ماہرین نے سائٹ پر دور کیا۔ ماہرین نے زراعت اور باغبانی سے متعلق مسائل کو حل کرنے میں مدد کی۔تاہم پروگرام کے دوران مختلف سرکاری محکموں نے شرکاء میں مختلف فلاحی اسکیموں کے پمفلٹ تقسیم کئے۔
