بیک ٹو وِلیج کے پانچویں مرحلے کا پروگرام:لیفٹیننٹ گورنر نے چٹھا فارم اورستواری جموں کا دورہ کیا
لازوال ڈیسک
جموں؍؍لیفٹیننٹ گور منوج سنہا نے آج چٹھا فارم ، ستواری جموں میں بیک ٹو وِلیج کے پانچویں مرحلے کے پروگرام میں شرکت کی ۔ لیفٹیننٹ گورنر نے ایک عوامی اجتماع سے خطاب کرتے ہوئے یو ٹی اِنتظامیہ کی شراکت پر مبنی اور عوام پر مبنی حکمرانی قائم کرنے اور جامع ترقی کیلئے ایک قابل ماحول بنانے کی کوششوں کا اِشتراک کیا ۔ اُنہوں نے کہا کہ عوام کی شرکت دیہی خوشحالی کی بنیاد ہے ۔ اُنہوں نے کہا کہ جموں و کشمیر اِنتظامیہ کا بیک ٹو وِلیج کا اقدام ترقیاتی اور فلاحی سکیموں کی کامیابی کو حل کرنے اور وِلیج کمیونٹیوں کو مرکزی اور یو ٹی سکیموں کے فوائد حاصل کرنے کو یقینی بنانے کیلئے تشکیل دیا گیا ہے ۔ لیفٹیننٹ گورنرنے کہا جموں و کشمیر انتظامیہ نے کمزور طبقوں کو سب سے زیادہ ترجیح دی ہے دیہی اور دور دراز علاقوں میں انقلاب لانے کیلئے بے مثال وسائل فراہم کئے ہیں ۔ اُنہوں نے کہا کہ گذشتہ چند برسوں میں پروگراموں کے بروقت نفاذ اور نگرانی نے دیہات کو ہمہ گیر ترقی کے منفرد مواقع کو یقینی بنایا ۔ اُنہوں نے مزید کہا کہ معاشرے کے مختلف طبقات کو دہائیوں کو امتیازی سلوک اور استحصال سے آزاد کیاگیا ہے اور ترقی سے فائدہ اٹھانے کے مواقع فراہم کئے گئے ہیں ۔ لیفٹیننٹ گورنر نے کہا کہ جموں و کشمیر کی ترقی اور خوشحالی کا راستہ اس کے دیہاتوں اور دور دراز علاقوں سے گذرتا ہے ۔ اُنہوں نے کہا کہ بہتر بنیادی ڈھانچہ ، سہولیات ، عوامی خدمات ، نوجوانوں اور خواتین کیلئے ہنر اور مواقع ، زراعت اور اس سے منسلک شعبے کی پیداواری صلاحیت میں اضافہ کو یقینی بنانا ہمارا عزم ہے ۔ انہوں نے دیہی علاقوں کے تمام شہریوں پر زور دیا کہ وہ خواندگی کی شرح کو بہتر بنانے ، پنچائتوں سے غذائی قلت اور ٹی بی کے خاتمے میں اپنا حصہ ڈالیں ۔ انہوں نے کہا کہ ہر گاؤں کو کو خود انحصار بننے اور جموں و کشمیر کی پائیدار ترقی کی قیادت کرنی چاہئیے ۔ پی آر آئی کے نمائندوں نے ترقی کو نچلی سطح تک لے جانے کے لئے لیفٹیننٹ گورنر کی زیر قیادت یو ٹی اِنتظامیہ کا شکریہ ادا کیا ۔ لیفٹیننٹ گورنر نے مختلف سرکاری محکموں کی طرف سے لگائے گئے مختلف سٹالوں کا بھی دورہ کیا جس میں حکومت کے مختلف اَقدامات اور فلاحی پروگراموں کو اُجاگر کیا گیا تھا ۔ اِس موقعہ پر چیئر مین ضلع ترقیاتی کونسل جموں بھارت بھوشن ،صوبائی کمشنر جموں رمیش کمار ،ضلع ترقیاتی کمشنر جموں، سینئر افسران ، پی آر آئی ممبران اوربڑی تعداد میں لوگ موجود تھے ۔
