کہانیشنل سیکولر فورم طلباء کی آواز کو بلند کرنے میں پیش پیش رہا ہے
لازوال ڈیسک
جموں// اپنی سرگرمیوں کے سلسلہ میں نیشنل سیکولر فورم (این ایس ایف) نے آج ایک اہم میٹنگ کی جس میں روشن شرما کو ضلع جموں کا صدر مقرر کرنے کی منظوری دی گئی۔وہیںمیٹنگ ڈاکٹر سکھ دیو سنگھ کی صدارت میں ہوئی۔ میٹنگ میں طے کیا گیا کہ این ایس ایفکی طرف سے کی جا رہی سرگرمیوں کے دائرے کو وسعت دی جائے اور اس کے مطابق تمام فعال ممبران نے روشن شرما کو ضلع جموں کا صدر مقرر کرنے پر رضامندی ظاہر کی۔جموں کے نئے بنائے گئے ضلعی صدر کو تمام کالجوں اور تحصیلوں میں نئے یونٹ بنانے کے لیے کہا گیا۔ انہیں طلباء کی آواز اور شکایات کو ان کے مناسب ازالے کے لیے اجاگر کرنے کا مشورہ دیا گیا۔ڈاکٹر سکھ دیو نے مزید کہا کہ نیشنل سیکولر فورم ہمیشہ طلباء کی آواز کو بھرپور طریقے سے بلند کرنے میں پیش پیش رہا ہے۔ انہوں نے نئے صدر جموں ضلع سے کہا کہ وہ منشیات کے خلاف کام کریں اور نوجوانوں کو اچھا راستہ دکھائیں۔ میٹنگ میں شرکت کرنے والوں میں وکشے واشسٹ، نریندر سنگھ، پاپندر سنگھ، ابھیشیک اپل، آدتیہ کھجوریا، انکش بابو اور اتل شرما شامل تھے۔
