سپریم کورٹ میں داخل عرضی کی شنوائی آج
کے این ایس
سرینگرسرینگر ۔ جموں ہائے وے پر ہفتے میں دو روز تک عام ٹریفک کی پابندی کے خلاف عوامی نیشنل کانفرنس کی جانب سے سپریم کورٹ میں داخل کی گئی عرضی کی شنوائی سوموار کو ہوگی ۔ اس دوران مظر احمد شاہ نے تصدیق کرتے ہوئے بتایا کہ عرضی کوچیف جسٹس آف انڈیا کے سامنے پیش کیا جائے گا ۔ کشمیر نیوز سروس ( کے این ایس ) کے مطابق عوامی نیشنل کانفرنس کی جانب سے سرینگر جموں ہائی وے پرہفتے میں 2روز تک عام ٹریفک کو چلنے پر پابندی عائد کرنے کے خلاف سپریم کوٹ میں داخل کی گئی عرضی کو سوموار کے روزچیف جسٹس آف انڈیا کے سامنے پیش کیا جائے گا ۔ اے این سی کے نائب صدر مظفر احمد شاہ نے کے این ایس کو فون پر تصدیق کرتے ہوئے بتایا کہ سوموار کے صبح عرضی کو چیف جسٹس آف انڈیا کے سامنے پیش کیا جائے گا ۔ معلوم ہوا کہ پٹیشن کو عوامی نیشنل کانفرنس کے سینئر نائب صدر مظفر احمد شاہ نے جموں کشمیر کے آئین دفعہ 32 کے تحت دائر کی تھی ۔ وزارات داخلہ نے 5ہفتے قبل سرینگر جموں شاہراہ پر ہفتے میں2روز کے لئے عام ٹرانسپورٹ کے لئے بند رکھنے کے احکامات جاری کئے تھے جس پر عوامی حلقوں نے شدید تشویش کا اظہار کر کے ریاست کے مختلف سیاسی پارٹیوں کے لیڈران نے واقعے کے خلاف سخت احتجاج کیا تھا ۔
