تنازع کے دوران اب تک 3500 سے زائد افراد ہلاک ہو چکے ہیں
یواین آئی
تل ابیب؍؍فلسطین اسرائیل تنازع کے آغاز سے اب تک ہلاک ہونے والے اسرائیلی فوجیوں کی تعداد 279 ہو گئی ہے، اس تنازع کے دوران اب تک 3500 سے زائد افراد ہلاک ہو چکے ہیں۔اسرائیلی میڈیا نے اتوار کو اسرائیلی ڈیفنس فورسز (ا?ئی ڈی ایف) کے حوالے سے یہ اطلاع دی۔ ہارٹزاخبار نے کہا کہ غزہ کی پٹی میں یرغمال بنائے گئے افراد کی تعداد 126 تک پہنچ گئی ہے۔گزشتہ 7 اکتوبر کو، فلسطینی گروپ حماس نے غزہ کی پٹی سے اسرائیل کے خلاف بڑے پیمانے پر ایک حیران کن راکٹ حملہ کیا، جس سے اسرائیل کو اگلے دن جنگ کی حالت کا اعلان کرنے اور جوابی حملے کرنے کے لئے مجبورہونا پڑا۔ پیر کے روز اسرائیل نے غزہ کی پٹی کی مکمل ناکہ بندی کا حکم دیا، جس میں 20 لاکھ سے زائد افراد آباد ہیں، پانی، خوراک اور ایندھن کی سپلائی منقطع کر دی گئی۔ اسرائیل اور فلسطین دونوں نے بڑھتی ہوئی کشیدگی کے نتیجے میں ایک ہزار سے زائد ہلاکتوں اور ہزاروں کے زخمی ہونے کی اطلاع دی ہے۔
