مرکزی وزیر کے بیٹے آشیش مشرا کو دہلی جانے کی اجازت
یواین آئی
نئی دہلی؍؍سپریم کورٹ نے منگل کو مرکزی وزیر اجے مشرا کے بیٹے اور لکھیم پور کھیری تشدد کیس کے اہم ملزم آشیش مشرا کی ضمانت کی شرائط میں نرمی کر دی ہے عدالت عظمیٰ نے انہیں یہ نرمی دی اور انہیں دہلی جانے اور اپنی بیمار ماں کی دیکھ بھال اور بیٹی کے علاج کے لیے وہاں رہنے کی اجازت دی جسٹس سوریہ کانت کی سربراہی والی بنچ نے عرضی گزار کی طرف سے پیش ہونے والے سینئر ایڈوکیٹ سدھارتھ دیوے کی دلائل سننے کے بعد یہ حکم دیا۔درخواست گزار کو اجازت دیتے ہوئے بنچ نے واضح کیا کہ وہ زیر التوا معاملے کے سلسلے میں کسی بھی عوامی تقریب میں شرکت یا میڈیا سے خطاب نہیں کر سکیں گے۔بنچ نے انہیں دہلی-این سی آر میں داخل ہونے سے روکنے کی پہلے کی شرط کو ہٹا دیا ہے۔تاہم سپریم کورٹ نے یہ بھی کہا کہ ملزم کے اتر پردیش میں داخلے پر پابندی اب بھی برقرار رہے گی۔یہ مقدمہ 3 اکتوبر 2021 کو اتر پردیش کے لکھیم پور کھیری ضلع میں مرکز کے زرعی قوانین کے خلاف مظاہروں کے دوران تشدد پھوٹ پڑنے کے بعد چار کسانوں سمیت آٹھ افراد کی موت سے متعلق ہے۔ کسان تنظیموں نے الزام لگایا ہے کہ مشرا کی ایک گاڑی مظاہرین کے ایک گروپ پر چڑھ گئی تھی۔
