لازوال ڈیسک
بھدرواہ؍؍جموں و کشمیر ’کرکٹ ایسوسی ایشن فار بلائنڈ‘ کے زیر اہتمام سکشم بھارت نامی ایک این جی او ڈسٹرکٹ نے اضافی ضلع بھدرواہ کے تمارا ریزورٹ نلتھی کے اشتراک سے آج یہاں کالج گراؤنڈ میں دو روزہ کرکٹ میچ کا انعقاد کیا۔واضح رہے پوری وادی چناب میں کھیلوں کی یہ سرگرمی اپنی پہلی قسم کی ہے جہاں تک یہ خصوصی طور پر معذور افراد کے لیے ہے۔وہیںنشا مکت بھارت ابھیان کے تحت تحصیل سوشل ویلفیئر ڈپارٹمنٹ بھدرواہ ضلع ڈوڈہ نے شرکاء کو ٹی شرٹس پیش کیں اور اس موقع پر ان میں ریفریشمنٹ بھی تقسیم کی گئی۔اس سیشن کے دوران، تحصیل سوشل ویلفیئر آفیسر سبھاش چندر کوتوال نے شرکاء کو ان کی صحت کی دیکھ بھال اور تندرستی کے بارے میں معلومات اور رہنمائی فراہم کی۔
