لازوال ڈیسک
راجوری؍؍بابا غلام شاہ بادشاہ یونیورسٹی کے شعبہ کمپیوٹر سائنسز نے ‘مصنوعی ذہانت کے دور میں سائبر سیکیورٹی’ کے موضوع پر ایک ہفتہ کا آن لائن فیکلٹی ڈیولپمنٹ پروگرام شروع کیا۔واضح رہے اس پروگرام میں دنیا بھر سے تقریباً 120 شرکاء نے رجسٹریشن کرائی ہے۔وہیںبابا غلام شاہ بادشاہ یونیورسٹی کے وائس چانسلر پروفیسر اکبر مسعود نے تقریب کے انعقاد پر شعبہ کو مبارکباد دی۔ اپنے پیغام میں پروفیسر اکبر نے کہا کہ اس طرح کی تقریبات فیکلٹی ممبران کی پیشہ وارانہ نشوونما اور ترقی کے لیے ان کی تعلیمی مہارت کے حصول کے لیے اہم ہیں۔ پروفیسر اکبر نے امید ظاہر کی کہ ایف ڈی پی سے شرکاء کو فائدہ پہنچے گا اور یہ شعبہ کے لیے ایک بڑی تعلیمی کامیابی ہوگی۔اس موقع پرشعبہ کے سربراہ ڈاکٹر ماجد بشیر ملک نے خطبہ استقبالیہ پیش کیا اور سائبر حملوں پر روشنی ڈالی جو کہ آرٹیفیشل انٹیلی جنس کے ساتھ ساتھ ہیں اور ایسے حملوں کا مقابلہ کرنا وقت کی ضرورت ہے۔ اس دوران بی جی ایس بی یونیورسٹی کے رجسٹرار محمد اسحاق ایف ڈی پی کے افتتاحی اجلاس کے مہمان خصوصی تھے۔ انہوں نے کمپیوٹر سائنس کے شعبہ کے سربراہ اور ان کی ٹیم کو اس ایف ڈی پی کے انعقاد کے لیے اپنی بہترین کوششیں کرنے پر سراہا جو ٹیکنالوجی کے موجودہ دور سے مطابقت رکھتا ہے۔
