ٹریننگ میں پی اوز اور دیگر متعلقہ الیکشن افسران نے شرکت کی
لازوال ڈیسک
رام بن// ضلع الیکشن ڈپارٹمنٹ، رامبن نے آج کانفرنس ہال، میترا، رامبن میں آئندہ بلدیاتی انتخابات کے پیش نظر پریذائیڈنگ آفیسرز بشمول P1 اور P2 کے لیے ایک روزہ تربیتی پروگرام کا انعقاد کیا۔ڈپٹی ڈسٹرکٹ الیکشن آفیسر، لال چند نے اس ٹریننگ سیشن کی صدارت کی جو ریاستی سطح کے ماسٹر ٹرینر نے منعقد کی تھی۔ریاستی سطح کے ماسٹر ٹرینر، جنرل منیجر، ڈی آئی سی، رویندر آنند، ضلعی سطح کے ماسٹر ٹرینر،زیڈ ای او، فردوس احمد اور دیگر ٹرینرز اور محکمہ الیکشن کے افسران نے شرکاء کو تربیت دی۔پی اوز کو ان کے کردار اور ذمہ داریوں، انتخابی انتظام، ای وی ایم کے انتظام، انتخابات کے انعقاد، اور انتخابات کی اطلاع کے بعد نافذ کردہ ضابطہ اخلاق کی دفعات کے بارے میں آگاہ کیا گیا۔ ضلع میں آزادانہ، منصفانہ اور شفاف انتخابات کے انعقاد کے طریقہ کار اور قواعد کے بارے میں شرکاء کے شکوک و شبہات کو دور کرنے کے لیے سوال جواب کا سیشن بھی منعقد کیا گیا۔نچلی سطح پر جمہوریت کو مضبوط بنانے کے لیے ایم سی الیکشن کی اہمیت پر زور دیتے ہوئے،ڈپٹی ڈی ای او نے زور دیا کہ پریزائیڈنگ افسران کو آزادانہ، منصفانہ اور شفاف بلدیاتی انتخابات کے انعقاد کے لیے خود کو مکمل طور پر تیار کرنے کی ضرورت ہے۔
