لازوال ڈیسک
جموں؍؍گورنمنٹ ڈگری کالج رام نگر نے نتخابی عمل پر ایک کوئز مقابلے کا انعقاد کیا۔وہیں پورے سیشن کا اہتمام جی ڈی سی رام نگر کے پرنسپل ڈاکٹر بھونیش چند کی سرپرستی میں کیا گیا۔ تاہم پروگرام کا آغاز ڈاکٹر اوم پرکاش (کنوینر، SVEEP سیل) کے خطبہ استقبالیہ سے ہوا۔ انہوں نے انتخابات کے عمل کا مختصر جائزہ لیا اور طلباء کو مشورہ دیا کہ وہ آئندہ بلدیاتی انتخابات میں اپنا ووٹ ڈال کر حصہ لیں۔تاہم کوئز مقابلے میں سمسٹر سوم اور پنجم پر مشتمل چار ٹیموں نے بڑے جوش و خروش کے ساتھ حصہ لیا اور ان کا ردعمل زبردست رہا۔دریں اثناء کوئز کے سوالات ڈاکٹر دیویا پوری، ایچ او ڈی سائیکالوجی نے تیار کیے تھے۔ اس موقع پرطلباء نے نہ صرف علم حاصل کیا بلکہ ان کے لیے مرتب کیے گئے مختلف سوالات کے جوابات سے بھی لطف اندوز ہوئے۔اس موقع پرکالج کے پرنسپل نے نتائج کا اعلان کیا اور جیتنے والوں کو مبارکباد دی۔
