جسمانی نشوونما تندرستی صحت کے لئے ورزش اور کھیلوں میں حصہ لینا ناگزیر : برگیڈئیر ایم پی سنگھ
منظور حسین قادری
پونچھ؍؍ہیڈ کوارٹر کاؤنٹر انسرجنسی فورس (ROMEO) کے زیراہتمام راشٹریہ رائفلز بٹالین 26 اگست سے 29 اگست 2023 تک انڈر 19 والی بال ٹورنامنٹ کا انعقاد کیا گیا اس ٹورنامنٹ کا مقصد سرنکوٹ کے نوجوانوں کو منشیات سے دور رہنے اور کھیلوں کی طرف ذہن راغب کرنا ہے 29 اگست کو قومی کھیلوں کے دن کے موقع پر، مقابلہ کا فائنل منعقد ہوا جو گورنمنٹ ہائر سیکنڈری اسکول، سرنکوٹ اور گورنمنٹ ہائر سیکنڈری سکول لسانہ کے درمیان کھیلا گیا دونوں ٹیموں نے بڑے جوش اور حوصلہ کے ساتھ کھیلا لیکن آخر میں گورنمنٹ ہائر سیکنڈری سکول، سرنکوٹ فاتح بن کر ابھرا۔ بریگیڈیئر ایم پی سنگھ، کمانڈر 6 سیکٹر نے فائنل میں شرکت کی اور فاتح اور رنر اپ ٹیموں کو ٹرافیاں دیں۔ بریگیڈیئر ایم پی سنگھ کی طرف سے ٹورنامنٹ کے بہترین کھلاڑی اور ٹورنامنٹ کے ابھرتے ہوئے کھلاڑی کے لیے خصوصی انعام بھی دیا گیا تاکہ ان کی مستقبل کی کوششوں کے لیے حوصلہ افزائی کی جا سکے۔ اس تقریب میں مقامی لوگوں، نوجوانوں اور ہندوستانی فوج کی حصہ لینے والی ٹیموں کی جانب سے منصفانہ کھیل، نوجوانوں کو منشیات سے دور رکھنے اور اسکول جانے والے بچوں کو کھیلوں کے میدان میں اپنی صلاحیتوں کو دکھانے کا موقع فراہم کرنے کے لیے کافی سراہا گیا۔ یہ والی بال ٹورنامنٹ ناک آؤٹ کی بنیاد پر کھیلا جا رہا ہے جس میں کل 16 ٹیمیں حصہ لے رہی ہیں کھلاڑیوں کی حوصلہ افزائی کرتے ہوئے برگیڈ ئیر ایم پی سنگھ نے زوردیا جسمانی نشوونما تندرستی صحت کے لئے ورزش اور کھیلوں میں حصہ لینا ناگزیر ہے چونکہ روزمرہ زندگی میں صحت وتندرستی کا برقرار ہونا ضروری ہے اور ایک صحت یاب جسم میں عقل ودانائی فہم وفراست کی کمالیت ہوتی ہے جس سے ہر شعبہ میں فعالیت پائی جاتی ہے جو کہ انسان چاک وچوبند بنانے میں کلیدی کردار ادا کرتی ہے ۔
