جے جے ایم کے تحت ہر گھر کو ایف ایچ ٹی سی فراہم کیے جارہے ہیں: اے ڈی سی کٹھوعہ
حفیظ قریشی
کٹھوعہ// ضلع انتظامیہ کٹھوعہ نے آج یہاںگورنمنٹ ڈگری کالج برائے خواتین (جی ڈی سی ڈبلیو) کٹھوعہ میں ضلع سطح کی پانی سمیتی کنونشن کا انعقاد کیا۔ جس کی صدارت ایڈیشنل ڈپٹی کمشنر کٹھوعہ رنجیت سنگھ نے کی۔وہیںاس تقریب کا انعقاد جے جے ایم کے تحت پندرہ اگست 2023 کے کامیاب اختتام کے موقع پر کیا گیا تھا جس کا انعقاد ضلع بھر میں 1 اگست سے 15 اگست 2023 تک کیا گیا تھا جہاں پانی کے اثاثوں کی مناسب دیکھ بھال اور تمام اسٹیک ہولڈرز سے ضروری تحفظ کی کوششوں کے بارے میں عوام کو آگاہ کرنے کے لیے متعدد سرگرمیاں منعقد کی گئیں۔تقریب کا آغاز پانی کی جانچ کے مظاہرے سے ہوا جو عمل درآمد کرنے والی سپورٹ ایجنسی آئی ایس اے ٹیم کے اراکین نے فیلڈ ٹیسٹ کٹس کے ساتھ کیا۔آئی ایس اے ایکسپرٹ جے جے ایم، سجن سریواستو نے شرکاء کو پانی سمیتیوں کے مینڈیٹ کے بارے میں آگاہ کیا جن کا جے جے ایم کے نفاذ میں کلیدی کردار ہے اور نچلی سطح پر اثاثوں کے انتظام اور دیکھ بھال کو یقینی بنانا ہے۔ انہوں نے گرے واٹر مینجمنٹ اور رین واٹر ہارویسٹنگ میکنزم کو اپنانے پر بھی زور دیا تاکہ پانی کے ذخائر کے درست اور زیادہ سے زیادہ استعمال کو یقینی بنانے کے ساتھ ساتھ واٹر ٹیبل کو دوبارہ بھرنے میں سہولت فراہم کی جا سکے۔اس موقع پر خطاب کرتے ہوئے سپرنٹنڈنگ انجینئر، جے جے ایم رام کرشن گپتا نے بتایا کہ جے جے پروگرام کے تحت، نامزد پرابھاری افسران نے پنچایتوں کا دورہ کرکے جے جے ایم کے تحت کئے جانے والے کاموں کی انجام دہی کی نگرانی کی اور اس کے بعد پیشرفت کا پتہ لگانے کے لیے مزید تجزیہ کے لیے ڈیٹا رپورٹ پیش کی۔وہیںاے ڈی سی کٹھوعہ رنجیت سنگھ نے اپنے خطاب میں کہا کہ جے جے ایم کے تحت ہر گھر کو ایف ایچ ٹی سی فراہم کیے جارہے ہیں جو پینے کے پانی کے معیار کو یقینی بنانے کے ساتھ ساتھ پانی سمیتیوں کے ارکان کو جے جے ایم کے اثاثوں کو برقرار رکھنے اور ان کی دیکھ بھال میں سرپرست کا کردار ادا کرنے کے لیے تربیت فراہم کررہے ہیں۔
