یواین آئی
جموںجموں کشمیر کے ضلع راجوی کے سندربنی علاقے میں جمعہ کے روز چند روز قبل لاپتہ ہوئے ایک نوجوان کی لاش پراسرار حالات میں بر آمد کی گئی۔ذرائع کے مطابق راجوری کے سندربنی کے بیری پٹن علاقے میں جمعہ کے روز پراسرار حالات میں ایک لاش بر آمد کی گئی۔مہلوک کی شناخت 36 سالہ سنجے کمار ولد رمیش کمار ساکن باگنوٹی نوشہرہ کے بطور ہوئی ہے۔سنجے کمار 7 اپریل کو لاپتہ ہوا تھا اور اس سلسلے میں متعلقہ پولیس اسٹیشن میں ایک رپورٹ درج کی گئی تھی۔دریں اثنا ایک پولیس عہدیدار نے بتایا کہ قانونی لوازمات کی ادائیگی کے بعد لاش کو آخری رسوم کی ادائیگی کے لئے لواحقین کے حوالے کیا گیا ہے۔انہوں نے کہا کہ اس سلسلے میں تحقیقات شروع کی گئی ہیں۔
