لازوال ڈیسک
پونچھ؍؍ماحولیاتی تحفظ اور کمیونٹی کی شمولیت کے لیے ایک غیر متزلزل عزم کا مظاہرہ کرتے ہوئے، ہندوستانی فوج نے جموں، کشمیر اور لداخ کے مرکز کے زیر انتظام علاقے راجوری، ریاسی اور پونچھ کے اضلاع میںشجرکاری مہم کا انعقاد کیا۔واضح رہے یہ کوشش ’میری مٹی میرا دیش‘ مہم کا ایک حصہ ہے، جو ہندوستانی فوج اور سول انتظامیہ کے درمیان ایک مشترکہ اقدام ہے، جس کا مقصد ہندوستان کی سرزمین اور بہادری کا جشن منانا ہے۔میری مٹی میرا دیش کے بینر تلے یہ مہم نچلی سطح پر مقامی برادریوں کے ساتھ جڑی ہوئی ہے، اور پنچایت کی سطح تک اپنی رسائی کو بڑھا رہی ہے۔ اس مہم کا مقصد ہندوستان کی امیر سرزمین کو عزت دینا ہے جبکہ اس کے محافظوں کی جانب سے دی گئی بہادرانہ قربانیوں کو بھی اجاگر کرنا ہے۔اس شاندار مہم کے دوسرے دن بھنگائی، بفلیاز، پراٹ، ٹین اور ہبی سمیت متعدد مقامات پر عوام، طلبائ، سول انتظامیہ اور ہندوستانی فوج کے درمیان ایک متاثر کن ہم آہنگی دیکھنے میں آئی۔ اس اجتماعی کوشش کا مقصد ایک نیک مقصد کی طرف تھا – ہندوستان کے ان لافانی بہادروں کی یاد میں درخت لگانا جنہوں نے ملک کی حفاظت اور سلامتی کے لیے اپنی جانیں قربان کیں۔
