لازوال ڈیسک
جموںاجیت کالونی ایکسٹنشن ویلفیئر کمیٹی کا یہاں ایک اہم اجلاس زیر صدارت کمیٹی صدر بھشن کول منعقد ہوا جس میں مقامی علاقہ کی عوام نے کہا کہ ہمارے کئی مطالبات سے ہمیں نظر انداز کیا گیا ہے ۔انہوں نے کہا کہ یہاں گہری نالیاں بنائی جائیں اور سڑکوں پر تارکول بچھایا جائے ۔انہوں نے کہا کہ جموں مغرب کے وارڈ 32کی یہ کالونی نظر اندازی کی شکار ہو کر کئی اہم سہولیات سے دو چار ہے جبکہ یہاں کے مسائل کے متعلق مقامی سابق ایم ایل اے کو بھی درجنوں مرتبہ جانکاری فراہم کی گئی مگر کچھ نہ ہوا ۔مقامی لوگوں کا کہنا ہے کہ نالیوں کی بہتر حالت نہ ہونے کی وجہ سے صفائی کا انتظام برقرار نہیں رکھا جا سکتا ۔اس موقع پر ہربنس سنگھ، نائب صدر بدری ناتھ جوشی، امریک سنگھ، پوجا رانی، کرشنا دیوی، اوتار سنگھ و دیگران موجود تھے ۔
