وطن کی خاطر جانوں کا نذرانہ پیش کرنے والوں کو خراج عقیدت پیش کیا گیا
لازوال ڈیسک
جموںیوم شجاعت کے موقع پر سی اار پی ایف گروپ سینٹر جموں بن تالاب جموں میں ایک اہم تقریب کا انعقاد عمل میں لایا اس موقع پر وطن کی خاطر جانوں کا نذرانہ دینے والے بہادروں کو خراج عقیدت پیش کیا گیا ۔واضح رہے 1965ئ کی آٹھ اپریل کو پاکستانی افواج نے رن آف کچ گجرات کی سردار پوسٹ اور ٹاک پوسٹ کو نشانہ بنایا تھا جہاں بہادروں نے نہ صرف لڑائی لڑی بالکہ پاکستانی افواج کو واپسی پر مجبور کر دیا تھا ۔وہیں اس دوران چھ بہادروں نے اپنی جانوں کا نذرانہ دیا تھا اور اسی قربانی کے پیش نظر یہاں اس اہم تقریب کا انعقاد عمل میں لایا گیا ۔اس موقع پر وی ایس کے کومودی آئی پی ایس ، اے ڈی جی جموں و کشمیر زون نے بطور مہمان خصوصی شرکت کی اور شرکاءنے شہید سمپارک پر بہادروں کو خراج عقیدت پیش کیا ۔وہیں تقریب میں 38ویں بٹالین سی آر پی ایف کے کمانڈنٹ اور ایس آئی /جی ڈی چمن لال 121بٹالین سی آر پی ایف کو میریٹوریس سروس میڈل سے نوازہ گیا ۔
